മുഖം മിനുക്കി ബെൻസിന്റെ ഒഴുകുന്ന കൊട്ടാരം: പുതിയ എസ്–ക്ലാസ്, വില 2.17 കോടി മുതൽ

പുണെ∙ ലോകത്തെ ഏറ്റവും മികച്ച ആഡംബര കാറുകളിലൊന്നായ മെഴ്സിഡീസ് ബെൻസ് എസ്–ക്ലാസിന്റെ പുതിയ തലമുറ മോഡൽ ഇന്ത്യൻ വിപണിയിലെത്തി. കൂടുതൽ ആഡംബര സൗകര്യങ്ങളും ശേഷിയും സാങ്കേതിക സംവിധാനങ്ങളും ഉൾപ്പെടുത്തിയ പുതിയ എസ്–ക്ലാസ് ഡീസൽ മോഡലിന് 2.17 കോടി രൂപയും പെട്രോൾ മോഡലിന് 2.19 കോടി രൂപയുമാണ് ഷോറൂം വില. ഇന്ത്യയ്ക്കായി മാറ്റിവച്ച 150 ലോഞ്ച് എഡിഷൻ കാറുകളിൽ പകുതിയിലേറെയും ഇതിനകം ബുക്ക് ചെയ്യപ്പെട്ടതായി കമ്പനി അറിയിച്ചു.

പുതിയ ഡിജിറ്റൽ എൽഇഡി ഹെ‍‍‍ഡ്‌ലൈറ്റ്, 20 ഇഞ്ച് അലോയ് വീലുകൾ (എഎംജിക്ക്) റിയൽ ആക്സിൽ സ്റ്റിയറിങ്, ഹൊറിസോണ്ടൽ സ്വിറ്റ് ടെയിൽ ലൈറ്റ്.  പഴയ എസ്‍ക്ലാസിനെക്കാൾ 34 എംഎം നീളവും 22 എംഎം വീതിയും 13 എംഎം ഉയരവും അധികമുണ്ട് പുതിയതിന്. 

330എച്ച്പി കരുത്തുള്ളതാണ് 2925 സിസി ഡീസൽ എൻജിൻ. 367എച്ച്പി കരുത്തുള്ള 2999 സിസി പെട്രോൾ എൻജിൻ മോഡൽ 4–വീൽ ഡ്രൈവ് ഉള്ളതാണ്. റിയർ ആക്സിൽ സ്റ്റീയറിങ് സംവിധാനം വഴി 4.5 ഡിഗ്രി വരെ പിൻ ചക്രം തിരിയുന്ന സൗകര്യം പുതിയ എസ്–ക്ലാസിലുണ്ട്.

English Summary: 2021 Mercedes-Benz S-Class launched at Rs 2.17 Crores