Activate your premium subscription today
മഹാരാഷ്ട്രയിൽ പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ശിവാജി പാർക്കിൽ നടന്ന വൻ റാലിയിൽ ഉപമുഖ്യമന്ത്രി അജിത് പവാർ അടക്കമുള്ള എൻസിപി നേതാക്കൾ വിട്ടുനിന്നതോടെ എൻഡിഎക്കുള്ളിലെ ഭിന്നത മറനീക്കി പുറത്തുവന്നു. നഗരത്തിലെ എൻസിപി സ്ഥാനാർഥികളായ നവാബ് മാലിക്, ഷീസാൻ സിദ്ദിഖി, സന മാലിക് എന്നിവരും സമ്മേളനത്തിന് എത്തിയില്ല.
2019ലെ നിയമസഭാ തിരഞ്ഞെടുപ്പിന് ശേഷം സർക്കാർ രൂപീകരണവുമായി ബന്ധപ്പെട്ട് നടത്തിയ രഹസ്യ കൂടിക്കാഴ്ചയിൽ വ്യവസായി ഗൗതം അദാനി പങ്കെടുത്തെന്ന പ്രസ്താവനയിൽ മലക്കംമറിഞ്ഞ് അജിത് പവാർ. അതേസമയം ഡൽഹിയിലെ അദാനിയുടെ വസതിയിൽ വച്ചായിരുന്നു യോഗം നടന്നതെന്ന് അദ്ദേഹം വിശദീകരിച്ചു. ‘സർക്കാർ രൂപീകരണത്തിൽ ഒരു വ്യവസായിയുടെയും ഇടപെടൽ ഉണ്ടായിട്ടില്ല. രഹസ്യ കൂടിക്കാഴ്ചയിൽ അദാനി പങ്കെടുത്തുവെന്ന് പറ‍ഞ്ഞത് നാക്കുപിഴയാണ്’– അജിത് പവാർ പറഞ്ഞു.
താനെ നഗരത്തിലെ കൂറ്റൻ ഹോർഡിങ്ങുകൾ മുഖ്യമന്ത്രി ഏക്നാഥ് ഷിൻഡെയ്‌ക്കൊപ്പം ബാൽ താക്കറെയുടെയും ആനന്ദ് ദിഘെയുടെയും ചിത്രങ്ങളുള്ളവയാണ്. ഒരുകാലത്തു താനെയിൽ ശിവസേനയെന്നാൽ ആനന്ദ് ദിഘെയായിരുന്നു; ഷിൻഡെയുടെ രാഷ്ട്രീയഗുരു. എല്ലാ അർഥത്തിലും യഥാർഥ പിന്തുടർച്ചാവകാശി താനാണെന്നു തെളിയിക്കാനാണ് ഇപ്പോൾ ഷിൻഡെയുടെ ശ്രമം. എന്നാൽ, താനെയിലെ കോപ്രി- പാഞ്ച്പഖാഡി മണ്ഡലത്തിൽ ഷിൻഡെയ്‌ക്കെതിരെ ആനന്ദ് ദിഘെയുടെ അനന്തരവൻ കേദാർ ദിഘെയെ രംഗത്തിറക്കി ഷിൻഡെയുടെ എല്ലാ പിന്തുടർച്ചാവകാശവാദങ്ങളെയും വെല്ലുവിളിക്കുന്നു ഉദ്ധവ് താക്കറെയുടെ ശിവസേന. ഇത്തവണ മഹാരാഷ്ട്രയിലെ നിയമസഭാ തിരഞ്ഞെടുപ്പ് രണ്ടു ശിവസേനകളുടെ നിലനിൽപിന്റെ കൂടി പോരാട്ടമാണ്. യഥാർഥ ശിവസേന ഏതെന്നു തെളിയിക്കാനുള്ള മത്സരം.
മുംബൈ∙ 2019ലെ മഹാരാഷ്ട്ര നിയമസഭാ തിരഞ്ഞെടുപ്പിനു ശേഷം എൻസിപി–എസ്‌പി നേതാവ് ശരദ് പവാർ ബിജെപിയുമായി സഖ്യചർച്ച നടത്തിയിരുന്നെന്ന വെളിപ്പെടുത്തലുമായി മഹാരാഷ്ട്ര ഉപമുഖ്യമന്ത്രിയും എൻസിപി നേതാവുമായ അജിത് പവാർ. വ്യവസായി ഗൗതം അദാനിയുടെ മധ്യസ്ഥതയിലാണ് ചർച്ചകൾ നടന്നിരുന്നതെന്നും ഒരു ദേശീയ വാർത്താ വെബ്സൈറ്റിന് നൽകിയ അഭിമുഖത്തിൽ അജിത് പവാർ പറഞ്ഞു. നവംബർ 20ന് മഹാരാഷ്ട്രയിൽ തിരഞ്ഞെടുപ്പ് നടക്കാനിരിക്കെയാണ് പുതിയ വെളിപ്പെടുത്തൽ.
രാജ്യത്തെതന്നെ പ്രധാന രാഷ്ട്രീയകുടുംബത്തിന്റെ പിന്തുടർച്ച ആർക്കെന്നു നിശ്ചയിക്കുന്ന നിർണായക പോരാട്ടത്തിന്റെ നേർപകുതിയിലാണു ബാരാമതി. ഒരുവശത്ത് എൻഡിഎയുടെ കൊടിയേന്തി അജിത് പവാർ. മറുവശത്ത് സഹോദരൻ ശ്രീനിവാസ് പവാറിന്റെ മകൻ യുഗേന്ദ്ര; എൻസിപി പിളർത്തി ബിജെപിയോടു കൈകോർത്ത അജിത്തിനെ മലർത്തിയടിക്കാൻ ശരദ് പവാർ കണ്ടെടുത്ത പുതുമുറക്കാരൻ. മറാഠാ പോരാട്ടത്തിന്റെ മുഴുവൻ സസ്പെൻസും ഒത്തുചേരുന്ന ത്രില്ലറിന്റെ അടുത്ത പകുതിയിൽ എന്തായിരിക്കും സംഭവിക്കുകയെന്ന ആകാംക്ഷയിലാണു മഹാരാഷ്ട്ര. 7 മാസത്തിനിടെ പവാർ കുടുംബാംഗങ്ങൾ തമ്മിൽ നടക്കുന്ന രണ്ടാമത്തെ തിരഞ്ഞെടുപ്പു മത്സരത്തിൽ മേൽക്കൈ ലഭിക്കുന്നവരാകും ‘പവാർ പൊളിറ്റിക്സി’ന്റെ പിന്തുടർച്ചാവകാശികളാകുക. ശരദ് പവാറിന്റെ മകൾ സുപ്രിയ സുളെയ്ക്കും പവാറിന്റെ സഹോദരപുത്രൻ അജിത്തിനുമിടയിൽ നടക്കുന്ന പിന്തുടർച്ചാ പോരാട്ടത്തിൽ യുഗേന്ദ്ര പവാർ നിർണായക കാലാൾ മാത്രം. ഏപ്രിലിൽ നടന്ന ലോക്സഭാ തിരഞ്ഞെടുപ്പിൽ
മുംബൈ ∙ എൻഡിഎ സഖ്യത്തിലെ അസ്വസ്ഥതകൾ പുറത്തുവരുന്നതിനിടെ ഭരണകക്ഷിയുടെ തിരഞ്ഞെടുപ്പ് പ്രചാരണ ബോർഡുകളിലും പോസ്റ്ററുകളിലും എൻസിപി നേതാവും ഉപമുഖ്യമന്ത്രിയുമായ അജിത്പവാറിന്റെ ഫോട്ടോ ഒഴിവാക്കിയത് പുതിയ വിവാദമായി.
മുംബൈ∙ മഹാരാഷ്ട്ര നിയമസഭാ തിരഞ്ഞെടുപ്പിൽ മഹായുതി സഖ്യത്തിനുള്ളിൽ ഭിന്നത. മാൻഖുർദ് ശിവാജി നഗർ സീറ്റിനെച്ചൊല്ലി സഖ്യകക്ഷികളായ ശിവസേന ഷിൻഡെ വിഭാഗവും എൻസിപി അജിത് പവാർ വിഭാഗവും തമ്മിൽ ഇടഞ്ഞു. ഇതോടെ ഒരേ മണ്ഡലത്തിൽ രണ്ടു കക്ഷികളും സ്ഥാനാർഥികളെ നിർത്തി. ബിജെപിയുടെ പിന്തുണ ശിവസേനയ്ക്കാണ്.
മുംബൈ ∙ മഹാരാഷ്ട്ര നിയമസഭാ തിരഞ്ഞെടുപ്പിൽ ബാരാമതി മണ്ഡലത്തിൽ നാമനിർദേശപത്രിക നൽകിയ ഉപമുഖ്യമന്ത്രി അജിത് പവാർ തങ്ങളുടെ കുടുംബത്തിൽ ഭിന്നിപ്പ് ഉണ്ടാക്കുന്നത് പിതൃ സഹോദരൻ ശരദ് പവാർ ആണെന്ന് ആരോപിച്ചു.
തിരുവനന്തപുരം ∙ പിളർപ്പിനു ശേഷം എൻസിപിക്ക് മന്ത്രിസഭാ പ്രാതിനിധ്യമുള്ള സംസ്ഥാനം എന്ന നിലയിൽ കേരളത്തിൽ വേരുറപ്പിക്കാൻ നടത്തിയ നീക്കത്തിന്റെ ഭാഗമായിട്ടാണ് അന്ന് വിമത വേഷത്തിലായിരുന്ന തോമസ് കെ.തോമസിനെ അജിത് പവാർ പക്ഷം ബന്ധപ്പെട്ടതെന്ന് വിവരം.
മുംബൈ ∙ ഗുണ്ടാത്തലവൻ ലോറൻസ് ബിഷ്ണോയ് സംഘം വെടിവച്ചു കൊലപ്പെടുത്തിയ മുൻ മന്ത്രി ബാബാ സിദ്ദിഖിയുടെ മകൻ ഷീസാൻ സിദ്ദിഖി എൻസിപി(അജിത് പവാർ) സ്ഥാനാർഥിയാകും. ബാന്ദ്ര ഇൗസ്റ്റ് മണ്ഡലത്തിലെ കോൺഗ്രസിന്റെ സിറ്റിങ് എംഎൽഎയായ ഷീസാനെ പാർട്ടി വിരുദ്ധ പ്രവർത്തനങ്ങൾക്കു പുറത്താക്കിയിരുന്നു. രണ്ട് മുൻ ബിജെപി എംപിമാർക്കും അജിത് പക്ഷം സീറ്റ് നൽകി. മുൻ മന്ത്രി നവാബ് മാലിക്കിന് സീറ്റ് നിഷേധിച്ചെങ്കിലും മകൾ സനാ മാലിക്കിനെ സ്ഥാനാർഥിയാക്കി. ഇതുവരെ 45 സ്ഥാനാർഥികളെ അജിത് പക്ഷം പ്രഖ്യാപിച്ചിട്ടുണ്ട്.
Results 1-10 of 181
