Activate your premium subscription today
ഓസ്ട്രേലിയയ്‌ക്കെതിരായ മൂന്നാം ക്രിക്കറ്റ് ടെസ്റ്റിന്റെ ഒന്നാം ഇന്നിങ്സിൽ 10 റൺസിനു പുറത്തായതിനു പിന്നാലെ, രോഹിത് ശർമ വിരമിക്കൽ പ്രഖ്യാപിച്ചേക്കുമെന്ന് സമൂഹമാധ്യമങ്ങളിൽ അഭ്യൂഹം പ്രചരിക്കുന്നു. ഓസീസിനെതിരെ പുറത്തായതിനു പിന്നാലെ നിരാശനായി മൈതാനം വിട്ട രോഹിത്, ഡഗ്ഔട്ടിൽ എത്തുന്നതിനു മുൻപ് ഗ്ലൗസ് ഉപേക്ഷിച്ചതോടെയാണ് വിരമിക്കൽ അഭ്യൂഹം സജീവമായത്.
സീനിയർ വനിതാ ഏകദിന ക്രിക്കറ്റിൽ നാഗാലാൻഡിനെതിരെ കേരളത്തിന് 209 റൺസിന്റെ കൂറ്റൻ വിജയം. ക്യാപ്റ്റൻ ഷാനിയുടെ ഉജ്വല സെഞ്ചറിയും കീർത്തി ജയിംസിന്റെ 5 വിക്കറ്റ് നേട്ടവുമാണ് കേരളത്തിന് ഗംഭീരജയമൊരുക്കിയത്. സ്കോർ: കേരളം– 50 ഓവറിൽ 7ന് 301. നാഗാലാൻഡ്– 30.2 ഓവറിൽ 92നു പുറത്ത്.
മുംബൈ ∙ ധാരാവിയിലെ ജാഹിദ് അലിയുടെ രണ്ടുമുറി വീട്ടിലേക്ക് അഭിനന്ദനങ്ങളുമായി ആളുകളുടെ പ്രവാഹമാണ്. വനിതാ പ്രിമിയർ ലീഗ് (ഡബ്ല്യുപിഎൽ) ക്രിക്കറ്റ് ലേലത്തിൽ ഇത്തവണത്തെ ഏറ്റവും ഉയർന്ന തുക ലഭിച്ചത് ‘ധാരാവിയുടെ മകൾക്ക്’. ഇലക്ട്രീഷനായ ജാഹിദ് അലിയുടെ മകൾ സിമ്രാൻ ഷെയ്ഖിനെ 1.90 കോടി രൂപയ്ക്കാണ് ഗുജറാത്ത് ജയന്റ്സ് സ്വന്തമാക്കിയത്. മധുരം വിളമ്പിയും പടക്കം പൊട്ടിച്ചും ആഘോഷിക്കുകയാണ് ഏഷ്യയിലെ ഏറ്റവും വലിയ ചേരി.
ബ്രിസ്ബെയ്ൻ ∙ ഗാബയിൽ ഫോളോ ഓണും പിന്നാലെ തോൽവിയും തുറിച്ചുനോക്കിയ ഘട്ടത്തിൽ വാലറ്റക്കാരായ ആകാശ്ദീപും ജസ്പ്രീത് ബുമ്രയും ‘കനമുള്ള’ ബാറ്റുമായി ടീം ഇന്ത്യയുടെ രക്ഷകരായി. പിരിയാത്ത 10–ാം വിക്കറ്റിൽ 39 റൺസ് കൂട്ടുകെട്ടുമായി ഇരുവരും മിന്നിയതോടെ ഓസ്ട്രേലിയയ്‌ക്കെതിരായ മൂന്നാം ക്രിക്കറ്റ് ടെസ്റ്റിൽ ഫോളോ ഓൺ ഒഴിവാക്കി ഇന്ത്യ. നാലാം ദിനം വെളിച്ചക്കുറവു മൂലം മത്സരം നിർത്തുമ്പോൾ, ഒന്നാം ഇന്നിങ്സിൽ 74.5 ഓവറിൽ ഒൻപതു വിക്കറ്റ് നഷ്ടത്തിൽ 252 റൺസ് എന്ന നിലയിലാണ് ഇന്ത്യ.
ഹാമിൽട്ടൻ ∙ പരമ്പര നേരത്തേ കൈവിട്ടെങ്കിലും ഇംഗ്ലണ്ടിനെതിരായ മൂന്നാം ടെസ്റ്റിൽ ശക്തമായി തിരിച്ചടിച്ച് ന്യൂസീലൻഡ്. ഹാമിൽട്ടനിലെ സെഡൻ പാർക്കിൽ നടക്കുന്ന മത്സരത്തിൽ കിവീസ് ഇംഗ്ലണ്ടിനു മുന്നിൽ ഉയർത്തിയത് 658 റൺസിന്റെ കൂറ്റൻ വിജയലക്ഷ്യം. മറുപടി ബാറ്റിങ് ആരംഭിച്ച ഇംഗ്ലണ്ട് മൂന്നാം ദിനം കളി നിർത്തുമ്പോൾ ആറ് ഓവറിൽ രണ്ടു വിക്കറ്റ് നഷ്ടത്തിൽ 18 റൺസ് എന്ന നിലയിലാണ്. എട്ടു വിക്കറ്റ് കയ്യിലിരിക്കെ വിജയത്തിലേക്ക് വേണ്ടത് 640 റൺസ്!
വയനാട് കൽപറ്റ സ്വദേശിനി വി.ജെ.ജോഷിതയിലൂടെ വനിതാ പ്രിമിയർ ലീഗ് ക്രിക്കറ്റിൽ (ഡബ്ല്യുപിഎൽ) വീണ്ടും മലയാളിത്തിളക്കം. ഡബ്ല്യുപിഎൽ മൂന്നാം സീസണു മുന്നോടിയായി ഇന്നലെ നടന്ന മിനി താരലേലത്തിൽ ബെംഗളൂരു റോയൽ ചാല‍ഞ്ചേഴ്സ് ജോഷിതയെ 10 ലക്ഷം രൂപയ്ക്ക് ടീമിലെത്തിച്ചു. ഇതോടെ വനിതാ പ്രിമിയർ ലീഗ് ട്വന്റി20യിൽ മലയാളി പ്രാതിനിധ്യം നാലായി. ആശ ശോഭന (ബെംഗളൂരു), മിന്നു മണി (ഡൽഹി), സജന സജീവൻ (മുംബൈ) എന്നിവരെ അതതു ടീമുകൾ ലേലത്തിനു മുൻപേ നിലനിർത്തിയിരുന്നു.
ഇന്ത്യയുടെ ബോളിങ്ങിന്റെ മൂർച്ചക്കുറവാണ് ബ്രിസ്ബെയ്ൻ ടെസ്റ്റിന്റെ രണ്ടാംദിനത്തിൽ ഓസ്ട്രേലിയൻ ബാറ്റിങ് അനായാസമാക്കിയത്. രവീന്ദ്ര ജഡേജയും നിതീഷ് റെഡ്ഡിയും ചേർന്നെറിഞ്ഞ 29 ഓവറിൽ ഓസ്ട്രേലിയ നേടിയത് 141 റൺസ്. മൂന്നാം സെഷന്റെ തുടക്കത്തിൽ ന്യൂബോളിനു മുൻപുള്ള 10 ഓവറിൽ നിതീഷിനും ജഡേജയ്ക്കും മാത്രം പന്തു നൽകിയ രോഹിത്തിനു തീരുമാനം തിരിച്ചടിച്ചു.
ബ്രിസ്ബെയ്ൻ∙ ഇന്ത്യയുടെ സ്ഥിരം ‘തലവേദന’ ട്രാവിസ് ഹെഡും സ്റ്റീവ് സ്മിത്തും സെഞ്ചറികളുമായി തിളങ്ങിയതോടെ, മൂന്നാം ക്രിക്കറ്റ് ടെസ്റ്റിന്റെ ഒന്നാം ഇന്നിങ്സിൽ ഓസ്ട്രേലിയ മികച്ച നിലയിൽ. രണ്ടാം ദിനം കളി നിർത്തുമ്പോൾ 101 ഓവറിൽ ഏഴു വിക്കറ്റ് നഷ്ടത്തിൽ 405 റൺസ് എന്ന നിലയിലാണ് ഓസ്ട്രേലിയ. അലക്സ് കാരി (47 പന്തിൽ 43), മിച്ചൽ സ്റ്റാർക്ക് (ഏഴു പന്തിൽ ഏഴ്) എന്നിവർ ക്രീസിൽ.
ബ്രിസ്ബെയ്ൻ ∙ ഇന്ത്യയ്‌ക്കെതിരായ മൂന്നാം ക്രിക്കറ്റ് ടെസ്റ്റിൽ ടോസ് നഷ്ടമായ ഓസ്ട്രേലിയ ബാറ്റു ചെയ്യുന്നു. മഴമൂലം ആദ്യദിനം ആദ്യ സെഷനിൽത്തന്നെ രണ്ടാം തവണയും മത്സരം നിർത്തിവയ്ക്കുമ്പോൾ, 13.2 ഓവറിൽ വിക്കറ്റ് നഷ്ടം കൂടാതെ 28 റൺസ് എന്ന നിലയിലാണ് ഓസ്ട്രേലിയ. ഓപ്പണർമാരായ ഉസ്മാൻ ഖവാജ (19), നേഥൻ മക്സ്വീനി (4) എന്നിവർ ക്രീസിൽ. പരമ്പര ഇപ്പോൾ 1–1 എന്ന നിലയിലായതിനാൽ ഈ മത്സരം നിർണായകമാണ്.
Results 1-10 of 1821
