ജാർഖണ്ഡ്: ഹേമന്ത് സോറൻ വിശ്വാസവോട്ട് നേടി

ന്യൂഡൽഹി ∙ ജാർഖണ്ഡിൽ മുഖ്യമന്ത്രി ഹേമന്ത് സോറന്റെ നേതൃത്വത്തിലുള്ള സർക്കാർ വിശ്വാസവോട്ട് നേടി. 81 അംഗ നിയമസഭയിൽ നിലവിൽ 76 അംഗങ്ങളാണുള്ളത്. ജെഎംഎം, കോൺഗ്രസ്, ആർജെഡി എന്നിവയുൾപ്പെട്ട ഭരണപക്ഷത്തിനു 45 വോട്ട് ലഭിച്ചു. പ്രതിപക്ഷമായ ബിജെപി വോട്ടെടുപ്പ് ബഹിഷ്കരിച്ചു. കള്ളപ്പണക്കേസിൽ അറസ്റ്റിലായി 5 മാസം ജയിലിലായിരുന്ന സോറൻ കഴിഞ്ഞ ദിവസമാണു ജാമ്യത്തിലിറങ്ങിയത്. പിന്നാലെ മുഖ്യമന്ത്രിസ്ഥാനം ഏറ്റെടുത്തു.