Activate your premium subscription today
സോൾ ∙ ദക്ഷിണ കൊറിയയിലെ രാഷ്ട്രീയ അനിശ്ചിതത്വം സാമ്പത്തിക മേഖലയെയും സഖ്യരാജ്യങ്ങളെയും ബാധിക്കാതിരിക്കാൻ ആക്ടിങ് പ്രസിഡന്റ് ഹാൻ ഡക്സു നടപടി തുടങ്ങി. ഭരണ സഖ്യത്തിലെ കക്ഷിനേതാക്കളുമായി ബന്ധപ്പെട്ട് ആവശ്യമായ ഉറപ്പു നൽകി. വിശ്വാസം വീണ്ടെടുക്കാനുള്ള എല്ലാ നടപടിക്കും പ്രതിപക്ഷം പിന്തുണ അറിയിച്ചിട്ടുണ്ട്. പ്രധാന സഖ്യ രാജ്യമായ യുഎസിന്റെ പ്രസിഡന്റ് ജോ ബൈഡനുമായി ഡക്സു ടെലിഫോൺ സംഭാഷണം നടത്തി ബന്ധങ്ങളിൽ മാറ്റമൊന്നുമുണ്ടാകില്ലെന്ന് അറിയിച്ചു.
ടിബിലിസി ∙ ജോർജിയയുടെ പ്രസിഡന്റായി മുൻ ഫുട്ബോൾ താരം മിഖായേൽ കവലാഷ്‍വിലി തിരഞ്ഞെടുക്കപ്പെട്ടു. ഒക്ടോബർ 26നു നടന്ന തിരഞ്ഞെടുപ്പിൽ 300 അംഗ പാർലമെന്റിൽ കവലാഷ്‍വിലിയുടെ ജോർജിയൻ ഡ്രീം പാർട്ടി ഭൂരിപക്ഷം നേടിയിരുന്നു. റഷ്യ അനുകൂല, യൂറോപ്യൻ യൂണിയൻ വിരുദ്ധ സഖ്യമായ പീപ്പിൾസ് പവറിന്റെ ഭാഗമാണ് ജോർജിയൻ ഡ്രീം. മാഞ്ചസ്റ്റർ സിറ്റി മുൻ സ്ട്രൈക്കറായ കവലാഷ്‍വിലി (53) 2016 മുതൽ പാർലമെന്റ് അംഗമാണ്.
സോൾ ∙ ദക്ഷിണ കൊറിയയിൽ പട്ടാളനിയമം അടിച്ചേൽപ്പിക്കാൻ ശ്രമിച്ച് പരാജയപ്പെട്ട പ്രസിഡന്റ് യൂൻ സുക് യോൽ വിദേശയാത്ര നടത്തുന്നത് നിയമമന്ത്രാലയം തടഞ്ഞു. രാജ്യദ്രോഹക്കുറ്റത്തിന് യൂനിനെതിരായ അന്വേഷണം തുടരുമെന്ന് നിയമമന്ത്രാലയം അറിയിച്ചു. ശനിയാഴ്ച നടന്ന ഇംപീച്ച്മെന്റ് ശ്രമത്തെ അതിജീവിച്ചെങ്കിലും വീണ്ടും പ്രമേയം കൊണ്ടുവരുമെന്ന് പ്രതിപക്ഷം അറിയിച്ചിട്ടുണ്ട്.
ഡമാസ്കസ്∙ വിമത സേനയ തലസ്ഥാന നഗരമായ ഡമാസ്കസ് പിടിച്ചതിനു മുൻപ് രാജ്യം വിട്ട സിറിയൻ പ്രസിഡന്റ് ബഷാർ അൽ അസദിന്റെ വിമാനം ഇപ്പോളെവിടെയെന്ന ചോദ്യം ഉയരുന്നു. സിറിയൻ പ്രാദേശിക സമയം ഞായറാഴ്ച പുലർച്ചെ പ്രസിഡന്റ് ബാഷർ അൽ അസദുമായി പുറപ്പെട്ടെന്നു കരുതുന്ന വിമാനം തകർന്നുവീഴുകയോ വെടിവച്ചിടുകയോ ചെയ്തെന്ന തരത്തിലുള്ള അഭ്യൂഹങ്ങളാണ് ഉയരുന്നത്. നിരീക്ഷണ വെബ്സൈറ്റിൽനിന്ന് വിമാനം പൊടുന്നനെ അപ്രത്യക്ഷമായതാണ് ഇതിനു പിന്നിലെ കാരണം.
ന്യൂഡൽഹി ∙ ഭിന്നശേഷിക്കാരോടു സഹതാപം കാണിക്കുന്നതിനു പകരം അവരെ എല്ലാ മേഖലകളിലും ഉൾപ്പെടുത്തി തുല്യത ഉറപ്പാക്കുകയാണു വേണ്ടതെന്നു രാഷ്ട്രപതി ദ്രൗപദി മുർമു പറഞ്ഞു. രാജ്യാന്തര ഭിന്നശേഷി ദിനത്തിൽ വിവിധ മേഖലകളിൽ മികവു തെളിയിച്ച ഭിന്നശേഷിക്കാരായ പ്രതിഭകൾക്കുള്ള പുരസ്കാരം സമ്മാനിച്ചു സംസാരിക്കുകയായിരുന്നു രാഷ്ട്രപതി. തിരുവനന്തപുരം സ്വദേശിയും ഗായികയുമായ അനന്യ ബിജേഷിന് ‘സർവശ്രേഷ്ഠ ദിവ്യാംഗൻ’ പുരസ്കാരം ലഭിച്ചു. ഓട്ടിസം ബാധിച്ച അനന്യയ്ക്കു സംസ്ഥാന സർക്കാരിന്റെ ഉജ്വല ബാല്യം പുരസ്കാരം ഉൾപ്പെടെ ലഭിച്ചിട്ടുണ്ട്. റിസർവ് ബാങ്കിൽ ഉദ്യോഗസ്ഥനായ ബിജേഷിന്റെയും അനുപമയുടെയും മകളാണ്.
ടിബിലിസി ∙ ജോർജിയയിൽ ഭരണകക്ഷിയായ ജോർജിയൻ ഡ്രീം പാർട്ടി മുൻ ഫുട്ബോൾ താരമായ മിഖായേൽ കാവേലാഷ്വിലിയെ (53) പ്രസിഡന്റ് സ്ഥാനാർഥിയായി പ്രഖ്യാപിച്ചു.
ന്യൂഡൽഹി ∙ പഴയ പാർലമെന്റ് മന്ദിരത്തിലെ സെൻട്രൽ ഹാളിൽ രാവിലെ 11നു രാഷ്ട്രപതി എത്തുന്നതോടെ ഭരണഘടനയുടെ 75–ാം വാർഷികാഘോഷച്ചടങ്ങുകൾക്കു തുടക്കമാകും. ലോക്സഭാ സ്പീക്കർ ഓം ബിർല സ്വാഗതപ്രസംഗം നടത്തും. തുടർന്നു ഭരണഘടന നിർമാണത്തെ കുറിച്ചു ഹ്രസ്വച്ചിത്ര പ്രദർശനം. ഉപരാഷ്ട്രപതിയും രാജ്യസഭാധ്യക്ഷനുമായ ജഗദീപ് ധൻകറും സഭയെ അഭിസംബോധന ചെയ്യും. ഭരണഘടനയുടെ ആത്മാവായി വിശേഷിപ്പിക്കപ്പെടുന്ന ആമുഖത്തിന്റെ വായന ചടങ്ങിനെ സവിശേഷമാക്കും. രാഷ്ട്രപതി ഇതിനു നേതൃത്വം നൽകും.
മനില ∙ ‘എനിക്കെന്തെങ്കിലും സംഭവിച്ചാൽ നിന്നെയും നിന്റെ കുടുംബത്തെയും കൊണ്ടേ ഞാൻ പോകൂ’– ഫിലിപ്പീൻസ് വൈസ് പ്രസിഡന്റ് സാറ ഡ്യൂട്ടെർട് കാർപിയോയുടേതാണ് ഈ ഭീഷണി. ഭീഷണിയാകട്ടെ രാജ്യത്തെ പ്രസിഡന്റിനു നേരെയും! താൻ കൊല്ലപ്പെട്ടാൽ പ്രസിഡന്റിന്റെ തല വെട്ടണമെന്ന് തന്റെ സുരക്ഷാ ഉദ്യോഗസ്ഥന് ‘ക്വട്ടേഷൻ’ കൊടുത്തുവെന്ന് മാധ്യമസമ്മേളനത്തിൽ വൈസ് പ്രസിഡന്റ് വ്യക്തമാക്കി. ഇതോടെ പ്രസിഡന്റ് ഫെർഡിനൻഡ് മാർക്കോസ് ജൂനിയറിന്റെ സുരക്ഷ വർധിപ്പിക്കാനുള്ള നെട്ടോട്ടത്തിലാണ് ഉദ്യോഗസ്ഥർ.
കൊളംബോ ∙ ശ്രീലങ്കയിൽ പ്രസിഡന്റിന് പരമാധികാരം നൽകുന്ന രീതി അവസാനിപ്പിക്കുമെന്ന് 1994 മുതൽ എല്ലാ തിര‍ഞ്ഞെടുപ്പുകളിലും പ്രസിഡന്റ് സ്ഥാനാർഥികൾ പ്രഖ്യാപിക്കാറുണ്ടെങ്കിലും ഇത്തവണയും ഒന്നും സംഭവിച്ചില്ല. പതിവുപോലെ പരമാധികാരത്തോടെയാണ് അനുര ദിസനായകെ ശ്രീലങ്കയുടെ ഒൻപതാമത് പ്രസിഡന്റായിരിക്കുന്നത്. തിരഞ്ഞെടുപ്പുപ്രചാരണത്തിൽ പ്രസിഡന്റിന്റെ പരമാധികാരം നീക്കം ചെയ്യുമെന്ന് എൻപിപി സർക്കാർ വാഗ്ദാനം ചെയ്തിരുന്നെങ്കിലും അതിന് മൂന്നിൽ രണ്ട് ഭൂരിപക്ഷത്തോടെ സമഗ്രമായ നിയമനിർമാണം ആവശ്യമാണ്.
വാഷിങ്ടൻ ∙ വാക്സീൻ വിരോധിയായ റോബർട്ട് എഫ്. കെന്നഡി ജൂനിയറിനെ ആരോഗ്യവകുപ്പ് സെക്രട്ടറിയാക്കാൻ നിയുക്ത പ്രസിഡന്റ് ഡോണൾഡ് ട്രംപ് തീരുമാനിച്ചു. അമേരിക്കയെ വീണ്ടും ആരോഗ്യത്തിലേക്കെത്തിക്കാൻ ആർഎഫ്കെ സഹായിക്കുമെന്ന് ട്രംപ് പറഞ്ഞു. എന്നാൽ, നിയമനത്തിനെതിരെ രൂക്ഷമായ വിമർശനങ്ങളാണ് ആരോഗ്യവിദഗ്ധരിൽനിന്ന് ഉയരുന്നത്. കെന്നഡിക്ക് മുൻ പരിചയമില്ലെന്നും അദ്ദേഹത്തിന്റെ നിലപാടുകൾ രാജ്യത്തെ ആരോഗ്യരംഗത്തെ പിന്നോട്ടടിക്കുന്നതാണെന്നും അമേരിക്കൻ പബ്ലിക് ഹെൽത്ത് അസോസിയേഷൻ (എപിഎച്ച്എ) കുറ്റപ്പെടുത്തി. വാർത്ത പുറത്തുവന്നതോടെ, വാക്സീൻ നിർമാണ കമ്പനികളുടെ ഓഹരിവില ഇടിഞ്ഞു. യുഎസ് പ്രസിഡന്റായിരുന്ന ജോൺ എഫ്.കെന്നഡിയുടെ സഹോദരപുത്രനാണ് റോബർട്ട്.
Results 1-10 of 142
