Activate your premium subscription today
Friday, Apr 18, 2025
സ്വന്തം ശമ്പളം അഞ്ചിലൊന്നായി കുറയ്ക്കുകയും മുൻകൂട്ടി അനുവാദംചോദിക്കാതെ എത്തുന്ന സന്ദർശകർക്കായി ആഴ്‌ചയിൽ 2 ദിവസം വാതിൽ തുറന്നിടുകയും ചെയ്ത രാഷ്ട്രപതി ഡോ. സർവേപ്പളളി രാധാകൃഷ്ണൻ വിടവാങ്ങിയിട്ട് ഇന്ന് അരനൂറ്റാണ്ട്. പഴയ മദ്രാസ് സംസ്‌ഥാനത്തെ തിരുത്തണി ഗ്രാമത്തിൽ 1888 സെപ്റ്റംബർ 5നു ജനനം. ദരിദ്ര ബ്രാഹ്‌മണ കുടുംബത്തിൽ ജനിച്ച അദ്ദേഹം ട്യൂഷനെടുത്തു കിട്ടുന്ന പണം കൊണ്ടാണു പഠിച്ചത്. 1909 ൽ തത്വശാസ്‌ത്രത്തിൽ ബിരുദാനന്തരബിരുദം.
ന്യൂഡൽഹി∙ നിയമസഭകൾ പാസാക്കുന്ന ബില്ലുകളിന്മേൽ നടപടിയെടുക്കുന്നതിനു ഗവർണർക്കും രാഷ്ട്രപതിക്കും സമയപരിധി നിശ്ചയിച്ച സുപ്രീം കോടതി വിധിക്കെതിരെ കേന്ദ്രസർക്കാർ പുനഃപരിശോധനാ ഹർജി നൽകിയേക്കും. നിയമസഭ പാസാക്കിയ ബില്ലുകൾ ഗവർണമാർ അയച്ചുകൊടുത്താൽ 3 മാസത്തിനകം രാഷ്ട്രപതി നടപടിയെടുത്തിരിക്കണമെന്നു സുപ്രീം കോടതി വിധിയിൽ പറയുന്നു.
ട്രംപിനോട് ഏറ്റുമുട്ടുന്നതിനും വേണമല്ലോ അതിന്റെയൊരു രീതി. പറഞ്ഞിട്ടും പറഞ്ഞിട്ടും തീരാതെ 25 മണിക്കൂർ 6 മിനിറ്റ് പ്രതീകാത്മക ‘പ്രസംഗപ്രതിഷേധ’വുമായി ഡെമോക്രാറ്റ് അംഗം കോറി ബുക്കർ യുഎസ് സെനറ്റിൽ റെക്കോർഡിട്ടത് അങ്ങനെയാണ്. തിങ്കളാഴ്ച വൈകിട്ട് 7നു തുടങ്ങിയ പ്രസംഗം ചൊവ്വാഴ്ച രാത്രി 8 മണി കഴിഞ്ഞ് 6 മിനിറ്റായപ്പോഴാണ് ബുക്കർ ഉപസംഹരിച്ചത്. അതും, ഒരു സെക്കൻഡ് പോലും ഇരിക്കാതെ, മുഴുവൻ സമയവും നിന്നുകൊണ്ട്. ശുചിമുറിയിൽ പോകാനുള്ള ബ്രേക്ക് പോലും എടുത്തില്ല.
ന്യൂഡൽഹി ∙ ലാറ്റിൻ അമേരിക്കൻ രാജ്യമായ ചിലെയുടെ പ്രസിഡന്റ് ഗബ്രിയേൽ ബോറിക് ഏപ്രിൽ 1 മുതൽ 5 വരെ ഇന്ത്യ സന്ദർശിക്കും. മന്ത്രിമാർ, പാർലമെന്റ് അംഗങ്ങൾ, ബിസിനസ് പ്രമുഖർ തുടങ്ങിയവരുടെ പ്രതിനിധി സംഘവും ഇദ്ദേഹത്തിനൊപ്പം ഇന്ത്യയിലെത്തും. 2022 മേയിൽ പദവിയിലെത്തിയ ഗബ്രിയേൽ ബോറിക്കിന്റെ ആദ്യ ഇന്ത്യ സന്ദർശനമാണിത്. ഏപ്രിൽ ഒന്നിനു പ്രധാനമന്ത്രി നരേന്ദ്ര മോദിയുമായി ചർച്ച നടത്തും. രാഷ്ട്രപതി ദ്രൗപദി മുർമുവും അദ്ദേഹത്തിനു വിരുന്നൊരുക്കും.
വാഷിങ്ടൻ ∙ വിദ്യാഭ്യാസ വകുപ്പ് പിരിച്ചുവിടാനുള്ള ഉത്തരവിൽ യുഎസ് പ്രസിഡന്റ് ഡോണൾഡ് ട്രംപ് ഒപ്പുവച്ചു. യുഎസിലെ വിദ്യാഭ്യാസ നിലവാരം പിന്നോട്ടുപോകാൻ കാരണം വകുപ്പാണെന്ന് അദ്ദേഹം കുറ്റപ്പെടുത്തി. സ്കൂളുകളുടെ നടത്തിപ്പ് ഇനി സ്റ്റേറ്റുകളുടെ ചുമതലയായിരിക്കും. എന്നാൽ ഉത്തരവ് പ്രാബല്യത്തിലാകണമെങ്കിൽ കോൺഗ്രസിന്റെ അംഗീകാരം കൂടിയേ തീരൂ. ഇതു സംബന്ധിച്ച ബിൽ അവതരിപ്പിക്കുമെന്ന് റിപ്പബ്ലിക്കൻ പാർട്ടി വൃത്തങ്ങൾ വ്യക്തമാക്കി.
ഇസ്തംബുൾ ∙ തുർക്കി പ്രസിഡന്റ് തയ്യിപ് എർദൊഗാന്റെ മുഖ്യ രാഷ്ട്രീയ എതിരാളിയും ഇസ്തംബുൾ മേയറുമായ എക്രം ഇമാമോഗ്ലു അറസ്റ്റിൽ. അഴിമതി, ഭീകരബന്ധം എന്നിവ ആരോപിച്ചാണ് പൊലീസ് അദ്ദേഹത്തെ അറസ്റ്റ് ചെയ്തത്. ‘അടുത്ത പ്രസിഡന്റി’നെ മുൻകൂർ അറസ്റ്റ് ചെയ്തതായി പ്രതിപക്ഷമായ റിപ്പബ്ലിക്കൻ പീപ്പിൾസ് പാർട്ടി (സിഎച്ച്പി) ആരോപിച്ചു. റിപ്പബ്ലിക്കൻ പീപ്പിൾസ് പാർട്ടി ഞായറാഴ്ച എക്രത്തെ പ്രസിഡന്റ് സ്ഥാനാർഥിയായി പ്രഖ്യാപിക്കാനിരിക്കെയാണ് അറസ്റ്റ്.
വാഷിങ്ടൻ ∙ മുൻ യുഎസ് പ്രസിഡന്റ് ജോ ബൈഡന്റെ മക്കൾക്കുള്ള സീക്രട്ട് സർവീസ് ഉദ്യോഗസ്ഥരുടെ അകമ്പടി പ്രസിഡന്റ് ഡോണൾഡ് ട്രംപ് റദ്ദാക്കി. ബൈ‍‍ഡൻ കഴിഞ്ഞ ജനുവരിയിൽ പ്രസിഡന്റ് പദവിയൊഴിയുന്നതിനു മുൻപായി മക്കളായ ഹണ്ടറിനും ആഷ്‌ലിക്കുമുള്ള സുരക്ഷ ജൂലൈ വരെ നീട്ടിയിരുന്നു. ഇതാണ് ട്രംപ് റദ്ദാക്കിയത്.
സോൾ ∙ പട്ടാളനിയമം നടപ്പാക്കാൻ ശ്രമിച്ചതിന് ഇംപീച്ച് ചെയ്യപ്പെടുകയും തുടർന്ന് അറസ്റ്റിലാകുകയും ചെയ്ത ദക്ഷിണ കൊറിയ പ്രസിഡന്റ് യൂൻ സുക് യോലിനെ ജയിലിൽനിന്നു മോചിപ്പിക്കാൻ സോൾ സെൻട്രൽ ഡിസ്ട്രിക്ട് കോടതിയുടെ നിർദേശം. ഔദ്യോഗിക അറസ്റ്റിന്റെ കാലാവധി കഴിഞ്ഞതും അറസ്റ്റ് നിയമവിരുദ്ധമെന്നു യൂൻ പരാതിപ്പെട്ടതും പരിഗണിച്ചാണിത്.
ന്യൂഡൽഹി ∙ ഇന്ത്യയും യൂറോപ്യൻ യൂണിയനും (ഇയു) തമ്മിലുള്ള സ്വതന്ത്ര വ്യാപാര കരാർ (എഫ്ടിഎ) ഈ വർഷം തന്നെ ഒപ്പിടും. പ്രധാനമന്ത്രി നരേന്ദ്ര മോദിയും യൂറോപ്യൻ കമ്മിഷൻ പ്രസിഡന്റ് ഉർസുല വോൺഡെയർ ലെയനും തമ്മിലുള്ള കൂടിക്കാഴ്ചയിലാണ് തീരുമാനം. എഫ്ടിഎ എങ്ങനെ േവഗത്തിൽ നടപ്പാക്കാമെന്നതിനു ചർച്ചയിൽ ഊന്നൽ നൽകിയെന്ന് വിദേശകാര്യ മന്ത്രാലയത്തിലെ സെക്രട്ടറി (വെസ്റ്റ്) തൻമയ ലാൽ വിശദീകരിച്ചു. കരാർ ഈ വർഷം തന്നെ ഒപ്പിടാനാണു ശ്രമമെന്നു ഉർസുല വോൺഡെയർ ലെയൻ ഡൽഹിയിൽ സ്വകാര്യ പരിപാടിയിൽ പറഞ്ഞു. എഫ്ടിഎയുമായി ബന്ധപ്പെട്ട മന്ത്രിതല ചർച്ചകൾ തുടരും.
വാഷിങ്ടൻ ∙ കാറുകൾ അടക്കം യൂറോപ്യൻ യൂണിയൻ ഉൽപന്നങ്ങളുടെ ഇറക്കുമതിക്ക് 25% തീരുവ ചുമത്തുമെന്ന് യുഎസ് പ്രസിഡന്റ് ഡോണൾഡ് ട്രംപ് പറഞ്ഞു. പ്രാബല്യത്തിലാകുന്ന തീയതി പിന്നീടു പ്രഖ്യാപിക്കും. യുഎസ് നിർമിത കാറുകളും കാർഷികോൽപന്നങ്ങളും യൂറോപ്പ് വാങ്ങാറില്ലെന്നും യുഎസിനെ പിഴിയാനാണു യൂറോപ്യൻ യൂണിയൻ രൂപീകരിച്ചതെന്നും ട്രംപ് ആരോപിച്ചു. ലോകത്തിലെ ഏറ്റവും വലിയ തുറന്ന വിപണിയാണു യൂറോപ്പെന്നും ഇത് ഏറ്റവും പ്രയോജനപ്പെടുത്തിയത് യുഎസാണെന്നും ഇയു വക്താവ് പ്രതികരിച്ചു.
Results 1-10 of 195
You can always sign back in at any time.
You have reached the maximum number of saved items. Please remove some items.
.jpg?w=315&h=164 "വാതിൽ തുറന്നിട്ട ലാളിത്യം; ഡോ.എസ്. രാധാകൃഷ്ണൻ വിടവാങ്ങിയിട്ട് അരനൂറ്റാണ്ട്വാതിൽ തുറന്നിട്ട ലാളിത്യം; ഡോ.എസ്. രാധാകൃഷ്ണൻ വിടവാങ്ങിയിട്ട് അരനൂറ്റാണ്ട്")
