തെന്നിലാപുരം– വാഴാമ്പള്ളം റോഡ് തുറന്നു

ആലത്തൂർ ∙ കാവശ്ശേരി പഞ്ചായത്തിലെ തെന്നിലാപുരം– വാഴാമ്പള്ളം റോഡ് ബ്ലോക്ക് പഞ്ചായത്ത് അധ്യക്ഷ രജനി ബാബു ഉദ്ഘാടനം ചെയ്തു. പഞ്ചായത്ത് അധ്യക്ഷൻ സി.രമേഷ്കുമാർ അധ്യക്ഷത വഹിച്ചു. ഉപാധ്യക്ഷൻ കെ.സി.ബിനു, ബ്ലോക്ക് പഞ്ചായത്ത് അംഗങ്ങളായ എസ്.ജയകൃഷ്ണൻ, സി.വാസുദേവൻ, പഞ്ചായത്ത് സ്ഥിരം സമിതി അധ്യക്ഷ ഗിരിജ രാജൻ, പഞ്ചായത്തംഗങ്ങളായ എ.ആണ്ടിയപ്പു, ടി.വേലായുധൻ എന്നിവർ പ്രസംഗിച്ചു. ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി 9 ലക്ഷം രൂപ ചെലവിട്ടാണു റോഡ് നിർമിച്ചത്.