ഇന്ത്യയിലെ മഴക്കാലം ശരിക്കും മാന്ത്രികമാണ്. പ്രകൃതി ഏറ്റവും മനോഹരിയാകുന്ന സമയം. കുന്നുകളും പർവതങ്ങളും പച്ചപ്പരവതാനി വിരിച്ചിരിക്കുന്ന കാഴ്ച. വെള്ളച്ചാട്ടങ്ങൾ ഏറ്റവും ഗംഭീരമാകുന്ന സമയം. അതുവരെ വരണ്ടുണങ്ങിയും നേർത്ത നൂലുപോലൊഴുകിയും കണ്ട നദികളും തടാകങ്ങളും നിറഞ്ഞൊഴുകാൻ ആരംഭിക്കും. പ്രകൃതി മുഴുവൻ പച്ചനിറം വാരിപ്പൂശുന്നത് കാണാൻ തന്നെ എന്തു ഭംഗി ആയിരിക്കും. മഴയത്ത് യാത്ര ചെയ്യുന്നത് സുരക്ഷിതമായി വേണമെന്ന് ഓർമിപ്പിച്ചുകൊണ്ട്, കേരളത്തിന് പുറത്തെ ഏറ്റവും മനോഹരമായ ചില മൺസൂൺ സ്പോട്ടുകളെ പരിചയപ്പെടുത്താം.
