ചീസി മുളകു ബജ്ജി, ഉഗ്രൻ സ്വാദിൽ നാലുമണി പലഹാരം

മുളകു ബജ്ജി ചീസ് സ്വാദോടെ തയാറാക്കിയാലോ? ചായയ്ക്കൊപ്പം ആരെയും കൊതിപ്പിക്കുന്നൊരു സ്പൈസി ബജ്ജി.

ചേരുവകൾ

• ബജ്ജി മുളക് - 6 എണ്ണം
• കടലമാവ് - 1 കപ്പ്‌
• ദോശ മാവ് / അരിപ്പൊടി - 1/4 കപ്പ്‌
• മുളകുപൊടി - 1 ടീസ്പൂൺ
• കായപ്പൊടി - 1/4 ടീസ്പൂൺ
• ഉപ്പ് - ആവശ്യത്തിന്

ഫില്ലിങ് തയാറാക്കാൻ

• ഉള്ളി - 1/2 കപ്പ്‌
• മല്ലിയില - 1ടേബിൾ സ്പൂൺ
• പുളി - 1 നെല്ലിക്ക വലുപ്പത്തിൽ
• മോസറല്ല ചീസ് - 1/2 കപ്പ്‌ 
• ഉപ്പ് - ആവശ്യത്തിന്

തയാറാക്കുന്ന വിധം

• പുളി കുറച്ചു വെള്ളത്തിൽ കലക്കി പൾപ് ആക്കി എടുക്കുക.
• ഉള്ളിയും മല്ലിയിലയും പുളിയും ഉപ്പും ചേർത്തു യോജിപ്പിച്ച് എടുക്കുക.
• കടലമാവും ദോശമാവും  മുളകുപൊടിയും കായപ്പൊടിയും ഉപ്പും ആവശ്യത്തിനു വെള്ളം ചേർത്തു യോജിപ്പിച്ച് എടുക്കാം.
• ബജ്ജി മുളക് നടുകേ കീറി ഉള്ളിലെ വിത്തുകൾ കളയുക. അതിലേക്കു ഉള്ളിയുടെ മിക്സും മോസറല്ല ചീസും നിറയ്ക്കുക.
• കടലമാവിന്റെ മിക്സിൽ ബജ്ജി മുളകു മുക്കി  ചൂടായ എണ്ണയിൽ വറുത്തെടുക്കുക.

Content Summary : Cheese chilli bajji, tea time snack.