മുത്തൂറ്റ് ഫിനാൻസ് എൻസിഡി ഇന്നുമുതൽ

കൊച്ചി∙ മുത്തൂറ്റ് ഫിനാൻസ് 1000 രൂപ മുഖവിലയുള്ള, ഓഹരിയാക്കിമാറ്റാനാകാത്ത കടപ്പത്രങ്ങളുടെ ഇഷ്യൂ പ്രഖ്യാപിച്ചു. അടിസ്ഥാന ഇഷ്യൂ 75 കോടിയുടേതാണെങ്കിലും 225 കോടി കൂടി അധിക സബ്സ്ക്രിപ്ഷൻ നിലനിർത്താനുള്ള ഓപ്ഷൻ ഉള്ളതിനാൽ 300 കോടി രൂപയാണു പരിധി. ഇന്നു തുടങ്ങി 28ന് അവസാനിക്കുന്ന ഇഷ്യുവിന് നേരത്തേ ക്ലോസ് ചെയ്യാനും തീയതി നീട്ടാനുമുള്ള ഓപ്ഷനുമുണ്ട.്

ഐസിആർഎയുടെ എഎ പ്ലസ് (സ്റ്റേബിൾ) റേറ്റിങ് ഉള്ളതാണ് ഈ എൻസിഡികളെന്നു മാനേജ്മെന്റ് അറിയിച്ചു. 7.50– 8% വരെ ആദായനിരക്കുകളുണ്ടാകുമെന്ന് മാനേജിങ് ഡയറക്ടർ ജോർജ് അലക്സാണ്ടർ മുത്തൂറ്റ് പറഞ്ഞു.