ഫെബ്രുവരി മാസം നിങ്ങൾക്കെങ്ങനെ? ഭാഗ്യവർധന ഈ നാളുകാർക്ക്

ഫെബ്രുവരി 1 മുതൽ 29 വരെയുള്ള ഒരു മാസത്തെ സാമാന്യ ഫലമാണിവിടെ പറയുന്നത്. ഇതിന്റെ കൂടെ ജാതകാൽ കൂടി പരിശോധിച്ച് ഗുണദോഷഫലങ്ങൾ വിലയിരുത്തണം

അശ്വതി: പഠിതാക്കൾക്ക് ഉന്നത വിജയം സ്വായത്തമാക്കുവാനും ഉപരിപഠനത്തിനുള്ള ശ്രമം സഫലമാകുവാനും സാധിക്കും. ബുദ്ധിപരമായ നീക്കങ്ങളിലൂടെ ചെലവ് നിയന്ത്രിക്കുക. സ്വന്തം കാര്യങ്ങൾ നീക്കിവെച്ച് അന്യരുടെ കാര്യങ്ങളിൽ ഇടപ്പെടുന്ന പ്രവണത ഉപേക്ഷിക്കണം.

ഭരണി: ഭാഗ്യവർധനവും കളത്രപുത്ര സൗഖ്യവും ഉണ്ടാവും. വിദ്യാർഥികൾ പരീക്ഷയിൽ വിജയം നേടും. വ്യാപാര വിതരണ സമ്പ്രദായം വിപുലമാക്കുവാൻ കർമോത്സുകരായവരെ നിയമിക്കും. സമർപിക്കുന്ന പദ്ധതികൾക്ക് അന്തിമ നിമിഷത്തിൽ അനുമതി ലഭിക്കും. സാമ്പത്തിക ഇടപാടിൽ പിഴവുകൾ വരാതെ നോക്കണം.

കാർത്തിക: കർമമേഖലയിൽ പുരോഗതി പ്രകടമാകും. സാമ്പത്തികമായി കുറച്ച് ബുദ്ധിമുട്ട് ഉണ്ടാകുമെങ്കിലും കാര്യങ്ങൾ നേടിയെടുക്കാൻ കഴിയും. പുതിയ വരുമാന മാർഗങ്ങൾ കണ്ടെത്തും. പ്രതികൂല സാഹചര്യങ്ങളെ അതിജീവിക്കും. വിദ്യാർഥികൾ പഠനത്തിൽ കൂടുതൽ ശ്രദ്ധ പുലർത്തണം

രോഹിണി: സ്ഥാനഭ്രംശം ഉണ്ടാകുമെങ്കിലും അതുമൂലം ചില നന്മകളും വന്നു ചേരും. വേണ്ടപ്പെട്ട ചിലർ കുത്തുവാക്കുകൾ പറഞ്ഞ് വിഷമിപ്പിക്കുന്നതിൽ തളരാൻ പാടില്ല. ഉദരസംബന്ധമായ രോഗങ്ങൾ ശല്യം ചെയ്തേക്കാം. പങ്കാളിയുടെ സഹായ സഹകരണം ഉണ്ടാകും. അനാവശ്യ ചെലവുകൾ നിയന്ത്രണ വിധേയമാക്കണം.

മകയിരം: വ്യക്തിബന്ധങ്ങളിൽ വിള്ളൽ ഉണ്ടാവാതെ നോക്കണം. അറിവുള്ള വിഷയങ്ങൾ ആവശ്യമുള്ള സമയത്ത് അവതരിപ്പിക്കുവാൻ സാധിക്കുകയില്ല. വാഹന ഉപയോഗത്തിൽ വളരെ ശ്രദ്ധിക്കണം. ഊഹാപോഹങ്ങളിലും പ്രലോഭനങ്ങളിലും അകപ്പെടരുത്. പല കാര്യങ്ങളും ഇഷ്ടാനുസരണം കൊണ്ടുപോകുവാൻ കഴിഞ്ഞെന്ന് വരില്ല.

തിരുവാതിര: ആരോഗ്യകാര്യങ്ങളിൽ ശ്രദ്ധിക്കണം. മുൻകോപം നിയന്ത്രിക്കണം. വിദ്യാർഥികൾക്ക് അലസതയും ഉദാസീന മനോഭാവവും ഉണ്ടാകുമെങ്കിലും ഈശ്വരാധീനത്താൽ പുന:പരീക്ഷയിൽ വിജയം ഉണ്ടാകും. അക്ഷീണമായ പരിശ്രമങ്ങൾ മൂലം നഷ്ടങ്ങൾ ഒഴിവാക്കാൻ കഴിയും.

പുണർതം: ജീവിത പങ്കാളിയുമായി അഭിപ്രായ വ്യത്യാസത്തിനിടയുണ്ട്. നിശ്ചയിച്ചുറപ്പിച്ച കാര്യങ്ങൾക്ക് വ്യതിചലനം വന്നുചേരും. ശുഭചിന്തകൾ ഗുണം ചെയ്യും. പ്രതികാര ബുദ്ധി ഉപേക്ഷിക്കുന്നത് നല്ലത്. വസ്തു സംബന്ധമായ ഇടപാടുകൾക്ക് കാലതാമസം ഉണ്ടാകും.

പൂയം: ജീവിതപങ്കാളിക്ക് സംശയം തോന്നുന്ന ഒന്നും ചെയ്യരുത്. വാഗ്ദാനങ്ങൾ ശ്രദ്ധാപൂർവം നടത്തുക. അശുഭചിന്തകൾ ശക്തമാകുന്നത് ലക്ഷ്യപ്രാപ്തിക്ക് തടസ്സമാകും. കാര്യങ്ങൾ കൃത്യമായി മനസ്സിലാക്കാതെ അഭിപ്രായം പറയുന്നത് തിരിച്ചടിയാകും. സമയം വെറുതെ കളയരുത്. വീഴ്ചകൾ പരിഹരിച്ച് മുന്നോട്ട് നീങ്ങാൻ ശ്രമിക്കുക. അനാവശ്യ കൂട്ടുകെട്ടുകൾ ഒഴിവാക്കണം.

ആയില്യം: വ്യക്തിബന്ധങ്ങളിൽ വിള്ളലുകൾ ഉണ്ടാകുവാൻ സാധ്യതയുള്ളതിനാൽ നന്നായി ശ്രദ്ധിക്കുക. വാഹന ഉപയോഗം സൂക്ഷ്മതയോടു കൂടി വേണം. അമിതാവേശം അബദ്ധങ്ങൾക്ക് വഴിയൊരുക്കും. വസ്തുസംബന്ധമായ ഇടപാടിൽ കാലതാമസം കാണുന്നു. പ്രതിസന്ധികളിൽ തളരാതെ പ്രവർത്തിക്കുവാൻ മാതാപിതാക്കളുടെ വാക്കുകൾ ഉപകരിക്കും.

മകം: കോടതിക്കേസുകളിൽ അനുകൂല വിധി പ്രതീക്ഷിക്കാം. സങ്കൽപത്തിനനുസരിച്ച് ഉയരുന്നതിനുള്ള സാഹചര്യം കാണുന്നു. ബന്ധുജനങ്ങളുടെ സഹായം കൂടുതലായി ലഭിക്കും. വാഹനം വാങ്ങുന്നതിന് അവസരം കാണുന്നു. ദാമ്പത്യ ജീവിതത്തിൽ വിട്ടുവീഴ്ചാ മനോഭാവം കൈക്കൊള്ളണം.

പൂരം: ബാധ്യതകളിൽ ചെന്നു ചാടാനിടയുണ്ട്. മേലുദ്യോഗസ്ഥരുമായി കൂടുതൽ സഹകരിച്ച് പ്രവർത്തിക്കുക. ആത്മപ്രഭാവത്താൽ ദുഷ്പ്രചരണങ്ങൾ നിഷ്പ്രഭമാകും. ആരോഗ്യകാര്യത്തിൽ കൂടുതൽ ശ്രദ്ധിക്കുക.

ഉത്രം: അയൽവാസികളുമായുള്ള ബന്ധം തകരാറിലാവാൻ ഇടയുണ്ട്. അശുഭചിന്തകളും ദു:സംശയങ്ങളും ഒഴിവാക്കണം. കുടുംബത്തിൽ മംഗളകർമങ്ങൾ നടക്കുവാനിടയുണ്ട്. ക്രയവിക്രയങ്ങളിൽ വിജയം പ്രതീക്ഷിക്കാം. കാര്യനിർവഹണ ശക്തി കൂടുതലായുണ്ടാകും.

അത്തം: ഉന്നത വ്യക്തിയുമായി ദൃഢമായ ബന്ധം ഉണ്ടാകും. പിതാവിന്റെ സ്വത്ത് അനുഭവയോഗ്യമാകും. സാഹചര്യങ്ങൾക്കനുസൃതമായി ജീവിക്കാൻ ശ്രമിക്കും. അനാവശ്യ ഉൾഭീതി ഒഴിവാക്കണം ധനസ്ഥിതി മെച്ചപ്പെടുന്നതാണ്. എന്നാൽ പിടിവാശി മൂലം പല വിഷമങ്ങളും നേരിടും.

ചിത്തിര: ആർഭാടങ്ങൾ ഒഴിവാക്കണം. അക്ഷീണമായ പരിശ്രമം മൂലം നഷ്ടങ്ങൾ ഒഴിവാക്കാൻ കഴിയും. അനർഹരെ സഹായിച്ച് ശത്രുത സമ്പാദിക്കും. അലസത വെടിയണം. തൊഴിൽ മേഖലയിൽ തടസ്സങ്ങളുണ്ടാക്കുവാൻ ശത്രുക്കൾ ശ്രമിക്കും.

ചോതി: ക്ലേശകരമായ വിഷയങ്ങളാണെങ്കിലും വേണ്ട വിധത്തിൽ നിറവേറ്റുവാൻ സാധിക്കും. ആരോഗ്യ സംരക്ഷണത്തിന്റെ ഭാഗമായി ദു:ശ്ശീലങ്ങൾ ഉപേക്ഷിക്കും. തൊഴിൽ മേഖലകളോടു ബന്ധപ്പെട്ട് പലപ്പോഴും ദൂരയാത്രകൾ വേണ്ടിവരും. സന്താനങ്ങളുടെ വിദ്യാഭ്യാസ കാര്യത്തിൽ ശ്രദ്ധിക്കണം.

വിശാഖം: ജന്മസിദ്ധമായ കഴിവുകൾ പ്രകടിപ്പിക്കാൻ അവസരമുണ്ടാകും. പ്രവർത്തന ശൈലിയിൽ കാലോചിതമായ മാറ്റങ്ങൾ വരുത്തുവാൻ തയാറാകും. ആത്മപ്രശംസ ഒഴിവാക്കണം. സഹോദരങ്ങളുമായി അഭിപ്രായ വ്യത്യാസത്തിനിടയുണ്ട്. ആരോഗ്യകാര്യങ്ങളിൽ വളരെയധികം ശ്രദ്ധ വേണം. മാതാപിതാക്കളുടെ വിരോധം സമ്പാദിക്കാനിടയുള്ളതിനാൽ സൂക്ഷിക്കുക.

അനിഴം: ലളിതമായ ജീവിതശൈലി അവലംബിക്കുന്നതു വഴി മന:സ്സമാധാനമുണ്ടാകും. സഹപ്രവർത്തകരുമായി നീരസത്തിനിടയുണ്ട്. അകന്നു നിന്നവർ അടുക്കുമ്പോൾ പ്രത്യേകം ശ്രദ്ധിക്കണം. യാത്രാവേളകൾ കൂടുതൽ കരുതലോടുകൂടിയാവണം.

തൃക്കേട്ട: അർധമനസ്സോടു കൂടി ഏറ്റെടുത്ത തൊഴിൽ മേഖലകൾ പൂർണതയിലെത്തിക്കും. മുൻകോപവും ക്ഷമയില്ലായ്മയും ദോഷം ചെയ്യും. ജീവിത വിജയത്തിനു വേണ്ടി അക്ഷീണം പ്രയത്നിക്കും. സ്വന്തം പരിശ്രമം മൂലം നേട്ടങ്ങൾ ഉണ്ടാക്കാൻ കഴിയും. അരുതാത്ത വാഗ്ദാനങ്ങളുടെ പേരിൽ സുഹൃത്തുക്കളുമായി പിണങ്ങേണ്ടി വരും.

മൂലം: ദാമ്പത്യ ജീവിതത്തിൽ വിട്ടുവീഴ്ചാ മനോഭാവം കൈക്കൊള്ളണം. ബന്ധുജനങ്ങളുടെ സഹായമുണ്ടെങ്കിലും അത്യാവശ്യ സമയങ്ങളിൽ അത് ഉപകരിക്കാൻ കഴിഞ്ഞെന്നു വരില്ല. അനാവശ്യ കാര്യങ്ങളിൽ ഇടപെടുന്നത് മൂലം ധനനഷ്ടമാണ് ഫലം. ആരോഗ്യകാര്യങ്ങളിൽ ശ്രദ്ധിക്കണം.

പൂരാടം: ജീവിത സൗഖ്യത്തിന് ചെറിയ ഉലച്ചിൽ തട്ടും. സാമ്പത്തിക ബുദ്ധിമുട്ടുകൾ ഉണ്ടെങ്കിലും പലരേയും സഹായിക്കും. ചെലവ് അധികരിക്കും. സാമ്പത്തിക ഇടപാടുകൾ കരുതലോടെ വേണം. സുഹൃത്തുക്കൾക്ക് വേണ്ടി ത്യാഗം സഹിക്കും.

ഉത്രാടം: വരവും ചെലവും തമ്മിൽ യോജിച്ചു പോകുന്നതിൽ നന്നെ പ്രയാസപ്പെടും. സ്വന്തം സ്ഥാനമാനങ്ങൾ സംരക്ഷിക്കുവാനുള്ള ശ്രമത്തിൽ മുള്ളവരുമായി അഭിപ്രായ വ്യത്യാസത്തിനിടയുണ്ട്. ചതിയിൽ പെടാതിരിക്കാൻ പ്രത്യേകം ശ്രദ്ധിക്കണം. സന്താനങ്ങളുടെ കാര്യത്തിൽ ശ്രദ്ധിക്കണം. വീഴ്ച, ചതവ് ഇവ വരാതെ നോക്കുക.

തിരുവോണം: സാമ്പത്തിക ക്രയവിക്രയം ശ്രദ്ധാപൂർവം ചെയ്യുക. വിദ്യാർഥികൾക്ക് അലസത വർധിക്കും. വഞ്ചനയിൽ അകപ്പെടാതെ സൂക്ഷിക്കണം. യുക്തിപൂർവമുള്ള സമീപനത്താൽ പ്രലോഭനങ്ങളെ അതിജീവിക്കും. ഔദ്യോഗിക ചുമതലകളും യാത്രാക്ലേശവും വർധിക്കും. സുഹൃത്തുക്കളിൽ നിന്നും സഹായസഹകരണങ്ങൾ വന്നു ചേരുന്നത് ആശ്വാസമാകും.

അവിട്ടം: ലക്ഷ്യങ്ങൾ നേടിയെടുക്കുന്നതിനു വേണ്ടി ത്യാഗങ്ങൾ സഹിക്കേണ്ടി വരും. യാത്രകൾ കഴിവതും കുറയ്ക്കുക. ശത്രുഭേദമന്യേ എല്ലാരേയും കണ്ണടച്ച് വിശ്വസിക്കരുത്. ഓഹരി ഇടപാടുകൾ സൂക്ഷിച്ചു ചെയ്യണം. ആലോചന ഇല്ലാത്ത സംഭാഷണങ്ങളും എടുത്തു ചാട്ടങ്ങളും വേണ്ട.

ചതയം: സ്വന്തം ഉത്തരവാദിത്വങ്ങൾ അന്യരെ ഏൽപ്പിക്കരുത്. അശ്രാന്തമായ പരിശ്രമത്താൽ തൊഴിൽ മേഖലകളിലുള്ള അനിശ്ചിതാവസ്ഥകളെ അതിജീവിച്ച് പ്രവർത്തനക്ഷമമാക്കുവാൻ സാധിക്കും. തന്മയത്വത്തോടു കൂടിയ പ്രതികരണം ലക്ഷ്യപ്രാപ്തിക്കു ഉപകരിക്കും. ദുഃശ്ശീലങ്ങൾ ഒഴിവാക്കുവാൻ ഉൾപ്രേരണ ഉണ്ടാകും. ഉദര- വാത- നാഡീരോഗങ്ങൾ ശല്യം ചെയ്തേക്കാം.

പൂരൂരുട്ടാതി: മേലുദ്യോഗസ്ഥരുടെ അപ്രീതി ഉണ്ടാക്കരുത്. യാത്രാവേളയിൽ ധനനഷ്ട സാധ്യത ഉള്ളതിനാൽ ശ്രദ്ധിക്കുക. ചെറിയ ചെറിയ ആരോഗ്യ പ്രശ്നങ്ങൾ അലട്ടിയേക്കാം. അഭിപ്രായ സമന്വയത്തിന് അത്യന്തം ക്ഷമയും സഹന ശക്തിയും വേണ്ടിവരും.

ഉത്തൃട്ടാതി: ഭയഭക്തി ബഹുമാനത്തോടു കൂടി ചെയ്യുന്ന കാര്യങ്ങൾ മന:സമാധാനത്തിന് വഴിയൊരുക്കും. അസുഖങ്ങൾ ഉണ്ടോ എന്ന അനാവശ്യ തോന്നലുകൾ ഉപേക്ഷിക്കണം. വിരോധികളായിരുന്നവർ ലോഹ‌്യത്തിലായിത്തീരുമെങ്കിലും അവരുടെ സമീപനത്തിൽ കൂടുതൽ ശ്രദ്ധ വേണം. അപ്രതീക്ഷിതമായി പൊതുപ്രവർത്തനങ്ങളിൽ ഏർപ്പെടും.

രേവതി: മത്സരങ്ങൾ, നറുക്കെടുപ്പ് എന്നിവയിൽ വിജയ സാധ്യത ഉണ്ട്. ചെയ്യുന്ന കാര്യങ്ങൾ മറ്റുള്ളവർക്കും ഉപകാരപ്രദമാകുന്നതിനാൽ ആശ്വാസമുണ്ടാകും. ധർമ പ്രവൃത്തിക്കും പുണ്യ പ്രവൃത്തികൾക്കും ആത്മാർഥമായി സഹകരിക്കും. സത്യാവസ്ഥകൾ അറിഞ്ഞു പ്രവർത്തിക്കുന്നതിനാൽ മിഥ്യാധാരണകൾ ഒഴിവാകും. ബന്ധുവിന്റെ ആവശ്യങ്ങൾ പരിഗണിക്കേണ്ടതായി വരും.

ജ്യോതിഷി പ്രഭാസീന സി.പി
ഹരിശ്രീ
പി ഒ : മമ്പറം
വഴി : പിണറായി
കണ്ണൂർ ജില്ല
Email ID: prabhaseenacp@gmail.com
ഫോ: 9961442256