തോട്ട പൊട്ടി രണ്ടു പേർക്ക് ഗുരുതര പരിക്ക്

നെടുങ്കണ്ടം∙ നെടുങ്കണ്ടം കാമാക്ഷി വിലാസത്ത് തോട്ട പൊട്ടി രണ്ടുപേർക്ക് ഗുരുതര പരിക്ക്. കമ്പംമെട്ട് സ്വദേശി ഇലവുങ്കൽ രാജേന്ദ്രൻ(40), അണക്കര സ്വദേശി തച്ചിലേടത്ത് ജയ്മോൻ (47) എന്നിവർക്കാണ് പരിക്കേറ്റത്. കാമാക്ഷി വിലാസം കോണ്ടിനെന്റൽ എസ്റ്റേറ്റിൽ വൈകിട്ട് 7 മണിയോടുകൂടിയാണ് അപകടമുണ്ടായത്. വെള്ളമില്ലാത്ത കുഴൽ കിണറിൽ വെള്ളം ലഭിക്കാനായി തോട്ട പൊട്ടിച്ചിടുന്നതിനിടെ അബദ്ധത്തിൽ തോട്ട പൊട്ടുകയായിരുന്നുവെന്ന് പൊലീസ് പറഞ്ഞു. ഗുരുതരമായി പരിക്കേറ്റ  ഇരുവരെയും നെടുങ്കണ്ടത്തെ സ്വകാര്യ ആശുപത്രിയിൽ പ്രാഥമിക ചികിത്സ നൽകിയ ശേഷം വിദഗ്ദ ചികിത്സക്കായി കോട്ടയത്തെ സ്വകാര്യ ആശുപത്രിയിൽ പ്രവേശിപ്പിച്ചു.