ഫൈസലിന്റെ വീട്ടിൽ അറസ്റ്റ് വാറന്റ് പതിച്ചു

തൃശൂർ ∙ സ്വർണക്കടത്തു കേസിൽ പിടികിട്ടാനുള്ള ഫൈസൽ ഫരീദിന്റെ കയ്പമംഗലത്തെ വീട്ടിൽ അറസ്റ്റ് വാറന്റ് പതിച്ചു. കൊച്ചിയിൽ നിന്നുള്ള എൻഐഎ ഉദ്യോഗസ്ഥരാണ് എൻഐഎ പ്രത്യേക കോടതി ജഡ്ജി ഒപ്പുവച്ച വാറന്റ് നോട്ടിസ് കയ്പമംഗലം മൂന്നുപീടികയിലെ വീട്ടിൽ പതിച്ചത്.

കുടുംബസമേതം ദുബായിൽ താമസിക്കുന്ന ഫൈസൽ ഫരീദ് ഇപ്പോൾ യുഎഇ പൊലീസിന്റെ കസ്റ്റഡിയിലാണ്. ഒന്നര വർഷമായി മൂന്നുപീടികയിലെ വീട്ടിൽ ആരും താമസമില്ല. കഴിഞ്ഞ ദിവസം കസ്റ്റംസ് ഇവിടെ പരിശോധന നടത്തി കംപ്യൂട്ടറും രേഖകളും പിടിച്ചെടുത്തു.

English summary: Faisal Fareed arrest warrant