വെള്ളിയാഴ്ച ഉച്ചയ്ക്കു 12.30 മുതൽ വിഷം ഗ്ലാസിൽ കലക്കി കുടിച്ചു തുടങ്ങി; പ്രസാദിന്റെ മരണം: സംഭവങ്ങൾ ഇങ്ങനെ

വീട്ടിൽ മറ്റാരും ഇല്ലാത്തപ്പോൾ, വെള്ളിയാഴ്ച വീട്ടിലിരുന്ന് ഉച്ചയ്ക്കു 12.30 മുതൽ വിഷം ഗ്ലാസിൽ കലക്കി കുടിച്ചു തുടങ്ങുന്നു. ഉച്ചയ്ക്ക് 1.30ന് ഇതിന്റെ വിഡിയോ പകർത്തി.

2.00 – പ്രസാദ് ഭാരതീയ കിസാൻ സംഘം ജില്ലാ ജനറൽ സെക്രട്ടറി വി.ശിവരാജനെ മൊബൈൽ ഫോണിൽ വിളിച്ചു സാമ്പത്തിക പ്രതിസന്ധിയും കൃഷിയിൽ പരാജയപ്പെട്ട വിവരവും മരിക്കുമെന്നും അറിയിക്കുന്നു.

2.30 – ശിവരാജൻ അറിയിച്ചതു പ്രകാരം ബിജെപി പ്രവർത്തകർ പ്രസാദിന്റെ വീട്ടിൽ എത്തുന്നു.

2.45 – ഗ്രാമപഞ്ചായത്തംഗം മീര ഗിരീഷും ബിജെപി പ്രവർത്തകരും ചേർന്ന് പ്രസാദിനെ ഓട്ടോറിക്ഷയിൽ ആലപ്പുഴ മെഡിക്കൽ കോളജ് ആശുപത്രിയിലേക്ക് അയച്ചു.

3.15 – മെഡിക്കൽ കോളജ് ആശുപത്രി അത്യാഹിത വിഭാഗത്തിൽ പ്രസാദിനെ എത്തിച്ചു. പ്രഥമ ശൂശ്രൂഷകൾക്കു ശേഷം 4.45നു 14–ാം വാർഡിലേക്കു മാറ്റി.
രാത്രി 7.45 – പ്രസാദിനെ മെഡിക്കൽ കോളജിൽ നിന്നു ബിജെപി പ്രവർത്തകരും ബന്ധുക്കളും ചേർന്നു തിരുവല്ലയിലെ സ്വകാര്യ ആശുപത്രിയിലേക്ക് ആംബുലൻസിൽ കൊണ്ടുപോയി. (മെഡിക്കൽ കോളജ് ആശുപത്രി രേഖയിൽ രാത്രി 9.30നു കൊണ്ടുപോയി എന്നാണു രേഖപ്പെടുത്തിയിരിക്കുന്നത്.)
8.45 – തിരുവല്ലയിലെ സ്വകാര്യ ആശുപത്രിയിൽ പ്രസാദിനെ എത്തിച്ചു.
12.30 – പ്രസാദ് മരിച്ചു.