തേക്കടി പുഷ്പമേളയ്ക്ക് തിരക്കേറി

കുമളി ∙ തേക്കടി പുഷ്പമേളയിൽ വിഷു-ഈസ്റ്റർ അവധി ആരംഭിച്ചതോടെ തിരക്ക് വർധിച്ചു. 24 ദിവസം നീണ്ടു നിൽക്കുന്ന പുഷ്പമേള 15 ദിവസങ്ങൾ പിന്നിടുമ്പോൾ ഇരുപതിനായിരത്തിലേറെ കാണികളാണ് മേള ആസ്വദിച്ച് മടങ്ങിയത്. എല്ലാ ദിവസങ്ങളിലും വൈകുന്നേരങ്ങളിൽ അരങ്ങേറുന്ന കലാപരിപാടികൾ വിദേശികളെ പോലും ആകർഷിക്കുന്നുണ്ട്.മേള നഗറിലെ പുഷ്പാലങ്കാരത്തിനിടയിലെ ഫോട്ടോ പോയിന്റുകളിൽ ഫോട്ടോ എടുക്കുന്നതിനും തിരക്കുണ്ട്. വിശാലമായ നടപ്പാതയും ഏതു സ്റ്റാളിൽ നിന്നാലും മേളനഗറിലെ കലാപരിപാടികൾ    ഉൾപ്പെടെ എല്ലാം കാണാൻ     കഴിയുന്നുവെന്നതും ഇത്തവണത്തെ പ്രത്യേകതയാണ്.ഇന്ന് പാചക മത്സരവും വരും ദിവസങ്ങളിൽ വയോജന സംഗമം, ടൂറിസം സെമിനാർ തുടങ്ങിയവയും നടക്കും. 20ന് സമാപിക്കും.