പേപ്പർമിൽ തടയണയുടെ ഉയരം ശാസ്ത്രീയമായി വർധിപ്പിച്ചു; കല്ലടയാറ്റിൽ ജലനിരപ്പ് ഉയർന്നു
Mail This Article
×
പുനലൂർ ∙മൂന്നു പതിറ്റാണ്ടിന് ശേഷം കല്ലടയാറ്റിലെ പേപ്പർമിൽ തടയണയുടെ ഉയരം ശാസ്ത്രീയമായി വർധിപ്പിച്ചതോടെ കല്ലടയാറ്റിൽ ജലനിരപ്പ് ഉയർന്നു. ജില്ലയ്ക്ക് ഏറ്റവും കൂടുതൽ ശുദ്ധജല പദ്ധതികളിലേക്ക് വെള്ളം ശേഖരിക്കുന്ന പുനലൂർ അടക്കമുള്ള ഭാഗങ്ങളിലാണ് നിരപ്പ് ഉയർന്നത്. നേരത്തെ പുനലൂർ ശുദ്ധജല പദ്ധതിയുടെ കിണറിന്റെ മുകൾ ഭാഗം (ഇൻടേക്ക് വെൽ) കൊടുംവേനലിൽ തെളിഞ്ഞു കാണാമായിരുന്നു.ഇന്ന് ആ സ്ഥാനത്ത് കല്ലട പാലവും കടന്ന് ഐക്കരക്കോണം വരെയുള്ള ഭാഗത്തെ കല്ലടയാറ്റിലെ ജലനിരപ്പാണ് ഉയർന്നുനിൽക്കുന്നത്.1992ൽ തെന്മല ഡാം കരകവിഞ്ഞ് ഒഴുകിയപ്പോഴാണ് പേപ്പർമിൽ തടയണയുടെ മുകളിലെ കരിങ്കല്ലുകൾ ഇളകി പോയത്. ഒന്നര നൂറ്റാണ്ട് മുൻപ് ബ്രിട്ടീഷുകാർ കരിങ്കൽ സുർക്കി മിശ്രിതം ഉപയോഗിച്ച് ബലപ്പെടുത്തി നിർമിച്ച തടയണയാണിത്.
English Summary:
After three decades, the water level in Kerala's Kallada River has risen, thanks to a carefully executed increase in the height of the paper mill dam. This change has brought relief to Punalur and other areas heavily reliant on the river for drinking water.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.