ന്യൂജഴ്സി ജനറൽ അസംബ്ലിയിലേക്ക് ജനവിധി തേടി സ്റ്റേർലി സ്റ്റാൻലി

ന്യൂജഴ്സി ∙ പത്തനംതിട്ട ജില്ലയിലെ ഇരവിപേരൂർ തറയശേരിൽ കുടുംബാംഗമായ അസംബ്ലി സാമാജികൻ സ്റ്റേർലി സ്റ്റാൻലി നാളെ നടക്കുന്ന തിരഞ്ഞെടുപ്പിൽ ന്യൂജഴ്സിയിലെ ജനറൽ അസംബ്ലിയിലേക്ക് ജനവിധി തേടുന്നു. ഇപ്പോൾ സംസ്ഥാന സർക്കാരിൽ പ്രവർത്തക്കുന്നന്ന തിരഞ്ഞെടുക്കപ്പെട്ട ഏക മലയാളി സാമാജികനാണ് സ്റ്റാൻലി. നമ്മുടെ സമൂഹത്തിന്റെ വികാരം പൂർണമായി ഉൾക്കൊണ്ടാണ് അദ്ദേഹം ദിനംപ്രതി പ്രവർത്തിച്ചു കൊണ്ടിരിക്കുന്നത്.

നയരൂപീകരണ പ്രക്രിയയിൽ സ്റ്റാൻലി തുടർച്ചയായി നമ്മുടെ ജനതയെയും അവരുടെ സംസ്ക്കാരത്തെയും ഉയർത്തി പിടിക്കുവാൻ നിരന്തര ശ്രമം നടത്തുന്നു. വിവിധ തലത്തിലുള്ള നമ്മുടെ സംഭാവനകൾ  മറ്റൊരു രാജ്യത്ത് ഫല പ്രദമായി പ്രതിഭലിപ്പിക്കാമെന്ന് വിവിധ കർമമാർഗങ്ങളിലൂടെ സ്റ്റാൻലി കാണിച്ചു തരുന്നു.

ന്യൂജഴ്സിയിലെ സമൂഹത്തെ പ്രതിനിധാനം ചെയ്തു കൊണ്ട് , സാമാജികൻ, സമൂഹ നായകൻ എന്നീ നിലകളിൽ താൻ പ്രതിനിധാനം ചെയ്യുന്ന സാമൂഹ്യ സംഘടനകളെ ശാക്തീകരിക്കുവാനും ഉയർത്തിക്കാട്ടുവാനും സ്റ്റാൻലി പ്രതിജ്ഞാബദ്ധനാണ്. അവയിൽ പലതും കേരളത്തിലെ സംഘടനകളുമായി നേരിട്ട് ബന്ധം പുലർത്തുന്നവയുമാണ്. കേരളത്തനിമ യുഎസിൽ വിവിധ മാർഗങ്ങളിലൂടെ സ്റ്റാൻലി പ്രതിഭലിപ്പിക്കുന്നു. പൊതുപ്രവത്തകൻ എന്ന നിലയിൽ  സ്റ്റാൻലിക്ക് മികച്ച ഭാവിയുണ്ട്.

സ്റ്റാൻലിക്ക് പരിപൂർണ്ണ പിന്തുണ നാം വാഗ്ദാനം ചെയ്യേണ്ടതുണ്ട് . ന്യൂജഴ്സി പൊതു അസംബ്ലിയിലേക്ക് നവംബർ 7ന് നടക്കുന്ന തിരഞ്ഞെടുപ്പില്‍ അദ്ദേഹം ജനവിധി തേടുമ്പോൾ നാം അദ്ദേഹത്തെ വിജയിപ്പിക്കണം. കേരളത്തിന്റെ പൈതൃകവും തനിമയും തുടർന്നും ലോകവ്യാപകമായി പ്രതിഭലിപ്പിക്കുവാൻ അത് തീച്ചയായും സഹായകരമാകും.