അടിതെറ്റി ആലിയയുടെ ‘ജിഗ്ര’; എക്സ് അക്കൗണ്ട് ഉപേക്ഷിച്ച് സംവിധായകന്‍
Mail This Article
80കോടി മുതല്‍മുടക്കില്‍ നിര്‍മിച്ച ആലിയ ഭട്ട് ചിത്രം ‘ജിഗ്ര’യുടെ ബോക്‌സ് ഓഫീസ് പരാജയത്തിനു പിന്നാലെ എക്സ് അക്കൗണ്ട് ഉപേക്ഷിച്ച് സംവിധായകന്‍. കഴിഞ്ഞ ദിവസം വരെ സംവിധായകന്‍ വസന്‍ ബാല ചിത്രത്തെക്കുറിച്ചുള്ള പോസ്റ്റുകള്‍ സോഷ്യല്‍മീഡിയകളില്‍ ഷെയര്‍ ചെയ്തിരുന്നു. എക്സ് അക്കൗണ്ട് ഡിലീറ്റ് ചെയ്തതിന്റെ കാരണം വ്യകതമല്ല. ഫേസ്ബുക്ക് ഇൻസ്റ്റാഗ്രാം തുടങ്ങിയ സമൂഹമാധ്യമങ്ങളിൽ വസൻ ബാലയുടെ അക്കൗണ്ടുകൾ നിലവിലുണ്ട്.
80കോടി മുതല്‍മുടക്കില്‍ നിര്‍മിച്ച ചിത്രത്തിന് ഇതുവരെയും 25കോടിയേ നേടാനായുള്ളൂ. ജിഗ്രയെക്കുറിച്ച് അമിതമായ പ്രതീക്ഷ പ്രേക്ഷകരില്‍ സൃഷ്ടിച്ചെന്നതുള്‍പ്പെടെ പല തരത്തില്‍ വസന്‍ ബാലക്കെതിരെ വിമര്‍ശനമുയര്‍ന്നിരുന്നു. ചിത്രത്തിലെ ആലിയ ഭട്ടിന്റെ പ്രകടനത്തെക്കുറിച്ചും വലിയ തോതില്‍ ട്രോളുകള്‍ വന്നു. എന്നാൽ രാജ്യാന്തര മാധ്യമത്തിനു നല്‍കിയ അഭിമുഖത്തില്‍ പ്രേക്ഷകരുടെ വിലയിരുത്തല്‍ അല്ല സിനിമയെ നല്ലതും ചീത്തയുമാക്കുന്നതെന്ന വസന്‍ ബാലയുടെ വാക്കുകള്‍ കടുത്ത പ്രതിഷേധത്തിന് വഴിവച്ചിരുന്നു.
ആലിയ ഭട്ടിനൊപ്പം വേദാങ്ക് റൈനയും ചിത്രത്തില്‍ പ്രധാന വേഷത്തിലെത്തുന്നു. ജിഗ്രക്കൊപ്പം റിലീസിനെത്തിയെ ‘വിക്കി വിദ്യ കാ വോ വാലാ വിഡിയോ’ ബോക്സോഫീസില്‍ മികച്ച അഭിപ്രായം നേടിയിരുന്നു.
