മധ്യപ്രദേശ്, ഛത്തീസ്ഗഡ് വോട്ടെടുപ്പ് ഇന്ന്

ന്യൂഡൽഹി ∙ 5 സംസ്ഥാനങ്ങളിലെ നിയമസഭാ തിരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് ഇന്നു നടക്കും. മധ്യപ്രദേശിലെ മുഴുവൻ സീറ്റിലും (230 സീറ്റ്) ഛത്തീസ്ഗഡിലെ 70 സീറ്റിലുമാണ് ഇന്ന് വോട്ടെടുപ്പ്. 

മൊത്തം 90 സീറ്റുള്ള ഛത്തീസ്ഗഡിൽ 20 സീറ്റിലേക്ക് ആദ്യഘട്ടം വോട്ടെടുപ്പ് ഈ മാസം 7നു നടന്നു. മിസോറമിലും 7നു വോട്ടെടുപ്പ് നടന്നു. രാജസ്ഥാൻ (നവംബർ 25), തെലങ്കാന (30) എന്നിവിടങ്ങളിലെ പോളിങ്ങിനു ശേഷം എല്ലായിടത്തെയും വോട്ടെണ്ണൽ ഡിസംബർ 3നു നടക്കും.