‘സംസാരിച്ചതിൽ സന്തോഷം’: ശ്രീലേഖയും ദിലീപും തമ്മിലുള്ള വാട്സാപ് ചാറ്റ് പുറത്ത്

കൊച്ചി ∙ മുൻ ജയിൽ ഡിജിപി ആർ.ശ്രീലേഖയുമായി ന‌ടൻ ദിലീപ് ഒരു വർഷം മുൻപു നടത്തിയതെന്ന് ആരോപിക്കപ്പെടുന്ന വാട്സാപ് സന്ദേശം പുറത്തുവന്നു.

ശ്രീലേഖയുടെ നിലപാടു വിവാദമായ സാഹചര്യത്തിൽ ഇവർ തമ്മിലുള്ള മുൻപരിചയം വ്യക്തമാക്കുന്ന മട്ടിലുള്ള ആശയവിനിമയമാണു പുറത്തുവന്നത്.

2021 മേയ് 23 നുള്ള സന്ദേശങ്ങളാണിവ. തന്റെ യുട്യൂബ് ചാനലിനെക്കുറിച്ച് ശ്രീലേഖ സംസാരിക്കുന്നതും സമയം കിട്ടുമ്പോൾ കാണണമെന്ന് ദിലീപിനോട് നിർദേശിക്കുന്നതും ഇതിലുണ്ട്. ശ്രീലേഖയോട് സംസാരിക്കാൻ കഴിഞ്ഞതിൽ ദിലീപും സന്തോഷം പ്രകടിപ്പിക്കുന്നു.

English Summary: R Sreelekha IPS - Dileep whatsapp chat