ചെങ്ങന്നൂരിൽ ബ്ലീച്ചിങ് പൗഡർ സൂക്ഷിച്ച കെട്ടിടത്തിൽ തീപിടിച്ചു; പൗഡർ കണ്ണിൽ വീണ് ഓഫിസർക്ക് പരുക്ക്

ആലപ്പുഴ∙ ചെങ്ങന്നൂർ നഗരസഭയിൽ ബ്ലീച്ചിങ് പൗഡർ സൂക്ഷിച്ചിരുന്ന കെട്ടിടത്തിൽ തിപിടിത്തം. നഗരസഭയിലെ ശുചീകരണ ആവശ്യത്തിനുള്ള 200 ചാക്കോളം ബ്ലീച്ചിങ് പൗഡർ, മറ്റ് ശുചീകരണ സാമഗ്രികൾ എന്നിവ സൂക്ഷിച്ചിരുന്ന നഗരസഭ ഷോപ്പിങ് കോംപ്ലക്സിലെ കെട്ടിടത്തിലാണ് രാവിലെ പത്തരയോടെ തീപിടിത്തം ഉണ്ടായത്.

തിരുവല്ല, ചെങ്ങന്നൂർ,ഫയർ സ്റ്റേഷനുകളിൽ നിന്ന് മൂന്ന് യൂണിറ്റുകൾഎത്തി തീ അണച്ചു. തീ അണയ്ക്കുന്നതിനിടെ ബ്ലീച്ചിങ് പൗഡർ കണ്ണിൽ വീണ് തിരുവല്ല ഫയർ സ്റ്റേഷനിലെ ഫയർ ആൻഡ് റസ്ക്യൂ ഓഫിസർ പ്രദീപ് കുമാറിന് പരുക്കേറ്റു. 

English Summary: Fire in building that stores bleaching powder, Chengannur