മുൻ ഡച്ച് ഫുട്ബോൾ കോച്ച് ലിയോ ബീൻഹാകർ അന്തരിച്ചു

ആംസ്റ്റർഡാം ∙ അയാക്സ്, ഫെയനൂർദ്, റയൽ മഡ്രിഡ് ടീമുകളുടെ പരിശീലകനായിരുന്ന മുൻ നെതർലൻഡ്സ് ഫുട്ബോൾ താരം ലിയോ ബീൻഹാകർ (82) അന്തരിച്ചു. കോച്ചിങ് കരിയറിൽ ഇരുപതിലേറെ ടീമുകളെ പരിശീലിപ്പിച്ചിട്ടുള്ള ബീൻഹാകർ അയാക്സിനെ 2 തവണ ഡച്ച് ലീഗ് കിരീടങ്ങളിലേക്കും റയൽ മഡ്രിഡിനെ 4 തവണ സ്പാനിഷ് ലീഗ് കിരീടങ്ങളിലേക്കും നയിച്ചു. ഫെയനൂർദിനൊപ്പം മറ്റൊരു ഡച്ച് ലീഗ് കിരീടവും നേടി. 1990 ലോകകപ്പിൽ നെതർലൻഡ്സ് ദേശീയ ടീമിന്റെ പരിശീലകനുമായിരുന്നു. ട്രിനിഡാഡ് ആൻഡ് ടുബാഗോയ്ക്ക് 2006ൽ ആദ്യമായി ലോകകപ്പിനും പോളണ്ടിന് 2008ൽ ആദ്യമായി യൂറോ കപ്പിനും യോഗ്യത നേടിക്കൊടുത്തു.