കോഴിയെ രക്ഷിക്കാനിറങ്ങി, കിണറ്റിൽ കുടുങ്ങി; ഒടുവിൽ..

കുറുപ്പന്തറ ∙ കോഴിയെ രക്ഷിക്കുന്നതിനിടെ കിണറ്റിൽ കുടുങ്ങിയ ഗൃഹനാഥനെ അഗ്നിശമന സേന രക്ഷപ്പെടുത്തി. മാഞ്ഞൂർ സൗത്ത് മൂലേക്കരയിൽ ഭാസ്കരനെ (67) ആണ് കടുത്തുരുത്തിയിൽ നിന്നെത്തിയ അഗ്നിശമന സേന വല ഇറക്കി പുറത്തെത്തിച്ചത്. ഇന്നലെ 2 മണിയോടെയാണു സംഭവം.

കിണറ്റിൽ വച്ച് കാല് കോച്ചി വലിച്ചതോടെ തിരിച്ചു കയറാൻ കഴിയാതായി.  നാട്ടുകാരും പരിസരവാസികളും പല വിധത്തിലും ഭാസ്കരനെ പുറത്ത് എത്തിക്കാൻ നോക്കിയെങ്കിലും കഴിഞ്ഞില്ല. തുടർന്നാണ് അഗ്നിശമന സേനയെ വിവരം അറിയിച്ചത്. സേന എത്തി ഭാസ്കരനെ വല ഇറക്കി പുറത്ത് എത്തിച്ചു.