രക്ഷകരായി മലയാളികൾ; ബോട്ട് മുങ്ങി കടലിൽ കുടുങ്ങിയ 3 പേരെ രക്ഷിച്ചു

ദോഹ ∙ വക്രയിൽ ബോട്ട് മുങ്ങി കടലിൽ കുടുങ്ങിയ 3 പേരെ മറ്റൊരു ബോട്ടിലെത്തിയ മലയാളികൾ രക്ഷപ്പെടുത്തി. തീരത്തു നിന്ന് 12 കിലോമീറ്റർ അകലെ അപകടത്തിൽപ്പെട്ടവരെ ഉല്ലാസ ബോട്ടിലെത്തിയ ചെങ്ങന്നൂർ സ്വദേശി സിജോ, സഹോദരൻ ജോൺസി, ടൈറ്റസ്, കോഴിക്കോട് സ്വദേശി ഫാസിൽ എന്നിവരാണ് രക്ഷപ്പെടുത്തിയത്.

2 ഈജിപ്തുകാരും ഒരു ജോർദാൻ സ്വദേശിയുമാണ് അപകടത്തിൽപ്പെട്ടത്. ലൈഫ് ജാക്കറ്റിട്ട് വെള്ളത്തിൽക്കിടന്ന് അവശനിലയിലായ ഇവരെ കയർ എറിഞ്ഞുകൊടുത്ത് ബോട്ടിലേക്കു വലിച്ചുകയറ്റുകയായിരുന്നു. തുടർന്നു കോസ്റ്റ് ഗാർഡിനെ വിവരമറിയിച്ചു.