യുഎഇ റസിഡൻസ് വീസയുണ്ടോ?; പത്ത് രാജ്യങ്ങളിലേക്ക് ഇനി എളുപ്പയാത്ര

ദുബായ് ∙ യുഎഇയിലെ റസിഡൻസ് വീസക്കാർക്ക് മുൻകൂട്ടി വീസയെടുക്കാതെ 10 രാജ്യങ്ങളിലേക്ക് യാത്ര ചെയ്യാൻ സൗകര്യം. ജോർജിയ, മാലദ്വീപ്, അസർബൈജാൻ, മൊറീഷ്യസ്, അർമേനിയ, മൊണ്ടനീഗ്രൊ, സെയ്ഷെൽസ്, മലേഷ്യ, ഇന്തൊനീഷ്യ, നേപ്പാൾ എന്നീ രാജ്യങ്ങളിലേക്ക് വീസ ഓൺ അറൈവൽ സൗകര്യമാണ് ലഭിക്കുക.

6 മാസ കാലാവധിയുള്ള പാസ്പോർട്ട്, കാലാവധിയുള്ള യുഎഇ വീസ, അതതു രാജ്യങ്ങളിലേക്കുള്ള റിസർവേഷൻ എന്നിവ ഉണ്ടാകണം. 30 മുതൽ 160 ദിവസ കാലാവധിയുള്ള വീസയാണ് വിവിധ രാജ്യങ്ങൾ നൽകുന്നത്.