ടെക്സസിൽ ഭർത്താവിന്റെ പിതാവിനെ കൊലപ്പെടുത്തിയ യുവതി അറസ്റ്റിൽ

നോർത്ത് ടെക്സസ്  ∙ നോർത്ത് ടെക്‌സസിൽ ഭർത്താവിന്റെ പിതാവിനെ കൊലപ്പെടുത്തിയ  യുവതി അറസ്റ്റിൽ. 76 കാരനായ റോബർട്ട് ബ്രാബിനെ കുത്തി കൊലപ്പെടുത്തിയ കേസിലാണ് ജെന്നിഫർ ലിൻ ബ്രാബിനെ (41) പൊലീസ് അറസ്റ്റ് ചെയ്തത്. 

സെപ്റ്റംബർ 24 ചൊവ്വാഴ്ച രാവിലെ 9:50 നായിരുന്നു കേസിനാസ്പദമായ സംഭവം നടക്കുന്നത്. മിറാക്കിൾ ലെയ്‌നിലെ 700 ബ്ലോക്കിലെ വീട്ടിൽ വച്ച് യുവതി റോബർട്ടിനെ കുത്തി പരുക്കേൽപ്പിച്ചു. ഗുരുതരമായി പരുക്കേറ്റ റോബർട്ടിനെ അശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 

യുവതിക്കെതിരെ കൊലപാതകത്തിന് കേസ് എടുത്തിട്ടുണ്ട്. സംഭവത്തിൽ അന്വേഷണം പുരോഗമിക്കുകയാണ്.