കണ്ണുകളെ കബളിപ്പിക്കും ഈ വീട്; അകത്ത് ഒരുക്കിയത് നിരവധി സർപ്രൈസുകൾ

തിരുവല്ലയ്ക്കടുത്ത് ഇടിഞ്ഞില്ലം എന്ന സ്ഥലത്താണ് ഡോക്ടർ രാജേഷ്, ജെയ്‌സിലിൻ ദമ്പതികളുടെ 3280 ചതുരശ്രയടിയുള്ള ഒറ്റനില വീട് സ്ഥിതി ചെയ്യുന്നത്.

സമകാലിക, ട്രഡീഷണൽ ശൈലികളുടെ സമന്വയമാണ് പുറംകാഴ്ച. ഇരുനില വീടിന്റെ തലയെടുപ്പുള്ള ഒറ്റനിലവീടാണിത്.  പുറംകാഴ്ചയ്ക്കു മാറ്റുകൂട്ടാൻ സ്റ്റോൺ ക്ലാഡിങ് നൽകിയിട്ടുണ്ട്. ഇറക്കുമതി ചെയ്ത ഓടാണ് റൂഫ് ചെയ്യാൻ ഉപയോഗിച്ചിരിക്കുന്നത്.

വീടിന്റെ ഉള്ളിൽ നിന്നുതന്നെ ട്രസ് വർക്ക്‌ ചെയ്തു ഓടിട്ടിരിക്കുന്ന യൂട്ടിലിറ്റി ഏരിയയിലേക്ക് കയറാം. ഉയർത്തി ഓടിട്ടതിനാൽ ചൂട് നിയന്ത്രിക്കാനും കഴിയുന്നു. ഗേറ്റ് കടന്നു നാച്ചുറൽ സ്റ്റോൺപാകിയ വഴി 2കാറുകൾ പാർക്കുചെയ്യാവുന്ന പോർച്ചിൽ എത്തുന്നു. ലാൻഡ്‌സ്‌കേപ്പിൽ പരിപാലനം കുറവുള്ള  ബഫല്ലോ ഗ്രാസ് ഉപയോഗിച്ചിരിക്കുന്നു.

ഇറക്കുമതി ചെയ്ത ഡോറുകളും ലൂവർ ഡിസൈൻ ഉള്ള വിൻഡോയും തേക്ക് തടിയിൽ ആണ് നിർമിച്ചിരിക്കുന്നത്. L ഷെയ്പ്പിൽ ഉള്ള സിറ്റൗട്ട് കടന്നു ഫോയറിൽ എത്താം. ഇവിടെനിന്നും ലിവിങ്ങിലേക്കും ഫാമിലി ലിവിങ്, ഡൈനിങ്ങ് തുടങ്ങിയ ഇടങ്ങളിലേക്ക് പോകാം. പുറംകാഴ്ച്ചകൾ ആസ്വദിക്കാൻ ഡൈനിങ്ങിൽ  നിന്നും ലിവിങ്ങിൽ നിന്നും ഇറങ്ങാവുന്ന രണ്ടു പാഷ്യോകൾ നൽകിയിട്ടുണ്ട്. വീടിന്റെ മധ്യഭാഗത്തുള്ള കോർട്യാർഡാണ്‌ ഹൈലൈറ്റ്. ഇത് സൂര്യപ്രകാശത്തെ വീട്ടിൽ എത്തിക്കുന്നതിനൊപ്പം ചൂടുവായുവിനെ പുറംതള്ളുകയും ചെയ്യുന്നു.

മോഡുലാർ കിച്ചൻ, വാഡ്രോബ്, ഫർണിച്ചർ എല്ലാം കസ്റ്റംമെയ്ഡ് ആയി ചെയ്തിരിക്കുന്നു. ഫ്ലോറിങ്ങിനു വിട്രിഫൈഡ് ടൈൽസും ഉപയോഗിച്ചിട്ടുണ്ട്. 

കിടപ്പുമുറികൾക്കെല്ലാം അറ്റാച്ഡ് ബാത്റൂം നൽകിയിട്ടുണ്ട്. വെറ്റ് ആൻഡ് ഡ്രൈ ഏരിയ തിരിച്ചിരിക്കുന്ന ബാത്‌റൂമിൽ വോൾ ഹങ്ങ് കൺസീൽഡ് ക്ലോസെറ്റുകളാണ് ഉപയോഗിച്ചിരിക്കുന്നത്.  

ബ്രേക്ക്‌ ഫാസ്റ്റ് ടേബിൾ ഉള്ള മോഡുലാർ കിച്ചന്റെ കൗണ്ടറിൽ നാനോവൈറ്റാണ് വിരിച്ചിരിക്കുന്നത്. വർക്ക്‌ ഏരിയ, ലോൺട്രി എന്നിവയും പ്രത്യേകമായി ഒരുക്കിയിരിക്കുന്നു. സെൻട്രലൈസ്ഡ് വാട്ടർ പ്യൂരിഫയിങ് സിസ്റ്റം ഉപയോഗിച്ച് മുഴുവൻ ജലവും ശുദ്ധീകരിച്ചു ഉപയോഗിക്കുന്നു. 

Project facts

Location-Idinjillam

Area- 3280 SFT

Design- Jaison Mathew

Purple Builders

Mob- 9495602810