ചപ്പാത്തിക്കും ചോറിനും പറ്റുന്ന ഉരുളക്കിഴങ്ങ് കറി

ജോലിത്തിരക്കിൽ അതിരാവിലെ ഓടുന്നവർക്ക് എളുപ്പത്തിൽ തായാറാക്കാൻ പറ്റിയ കറിയാണിത്.

ചേരുവകൾ  

• എണ്ണ - 2 ടേബിൾസ്പൂൺ 
  
• കായം - 1/4  ടീസ്പൂൺ 
• ജീരകം - 1 ടീസ്പൂൺ 
• പെരുംജീരകം - 1/4 ടീസ്പൂൺ
• ഉലുവ - 1/4 ടീസ്പൂൺ
• വറ്റൽമുളക് - 4 എണ്ണം 
• പുളിവെള്ളം - 2 ടേബിൾസ്പൂൺ
• ഉരുളക്കിഴങ്ങ് - 6 എണ്ണം
• മുളകുപൊടി - 1 ടീസ്പൂൺ
• ഗരംമസാല - 1/2 ടീസ്പൂൺ
• പച്ചമല്ലി പൊടിച്ചത് - 3 ടീസ്പൂൺ
• ചാട്ട്മസാല - 1/2 ടീസ്പൂൺ
• ഉപ്പ്
• മല്ലിയില - 3 ടേബിൾസ്പൂൺ 

തയാറാക്കുന്ന വിധം :

• ഉരുളക്കിഴങ്ങ് വേവിച്ച് ക്യൂബ്സ് ആയി മുറിച്ചു വയ്ക്കുക.
• ഒരു പാനിൽ എണ്ണ ചൂടാക്കി ഇതിലേക്ക് കായം, ജീരകം, പെരുംജീരകം, ഉലുവ, വറ്റൽമുളക് ഇവ വഴറ്റുക.
• ഇതിലേക്ക് പുളിവെള്ളം ഒഴിച്ച് പുളിയുടെ  പച്ചമണം മാറുന്നത് വരെ വഴറ്റുക. 
• ഇനി വേവിച്ച ഉരുളകിഴങ്ങ് ഇട്ട് നന്നായി യോജിപ്പിക്കുക. 1 മിനിറ്റ് വഴറ്റിയ ശേഷം മുളകുപൊടി, ഗരംമസാല, മല്ലി പൊടിച്ചത്, ചാട്ട്മസാല, ഉപ്പ് ഇവ ഇടുക. 1-2 മിനിറ്റ് നന്നായി വഴറ്റിയ ശേഷം മല്ലിയില ഇട്ട് ചൂടോടെ വിളമ്പാം.