ഉള്ളം തണുപ്പിക്കാൻ ഒരു ഗ്ലാസ് അവൽ മിൽക്ക്

ചൂടിന് ഒരു ആശ്വാസമായി വീട്ടിലുള്ള കുറച്ചു ചേരുവകൾ നിറച്ച  അവൽ മിൽക്ക് എങ്ങനെ തയാറാക്കാം എന്ന് നോക്കാം.

ചേരുവകൾ

• അവൽ – അരക്കപ്പ്
• ചെറുപഴം – രണ്ടെണ്ണം
• നിലക്കടല – കാൽക്കപ്പ്
• കണ്ടൻസ് മിൽക്ക്  – ഒരു ടേബിൾസ്പൂൺ
• പാൽ – ഒരു കപ്പ്
• പഞ്ചസാര – രണ്ട് ടീസ്പൂൺ

തയാറാക്കുന്ന വിധം

• അവൽ രണ്ടു മിനിറ്റ് ചെറുതീയിൽ വറുത്ത് മാറ്റി വയ്ക്കുക.  
• രണ്ടു ചെറുപഴം നന്നായി ഉടച്ച് അതിനുശേഷം ഒരു ഗ്ലാസ്സിലേക്ക് ഇടുക. 
• ഇതിനു മുകളിലായി രണ്ട് ടേബിൾ സ്പൂൺ നിലക്കടലയും കണ്ടൻസ്ഡ് മിൽക്കും ചേർക്കുക. 
• അതിനുമുകളിൽ ആറ് ടേബിൾ സ്പൂൺ വറുത്ത അവിൽ ചേർത്തതിനുശേഷം, രണ്ട് ടീസ്പൂൺ പഞ്ചസാര ചേർത്ത് ഇളക്കിയ തണുത്ത പാൽ അതിനുമുകളിലായി ഒഴിക്കുക. ഇതിനു മുകളിൽ ബാക്കിയുള്ള നിലക്കടല വിതറി ഫ്രിഡ്ജിൽ വച്ചതിനു ശേഷമോ അല്ലാതെയോ കഴിക്കാം.