67 വയസ്സു കഴിഞ്ഞപ്പോൾ കേരളത്തിന് ചെറുപ്പമായോ? ഇങ്ങനെ സംശയം തോന്നുന്നതിൽ അദ്ഭുതമില്ല. ഉദാഹരണത്തിന് 60 വർഷം മുൻപുള്ള മധ്യവയസ്കന്റെ ഫോട്ടോ ഒന്നു നോക്കൂ. ആ ചിത്രം ഇങ്ങനെയാകും. പ്രത്യേകിച്ചും അധ്യാപകനാണെങ്കിൽ. വെള്ള ജൂബ, വെള്ളമുണ്ട്, കട്ടിക്കണ്ണട, നരച്ച തല. വാക്കിലും നടപ്പിലും എന്തിന്, നോട്ടത്തിലും ഒരു ഭാവം. ഗൗരവം. രണ്ടാമത്തെ ചിത്രം ഇന്നത്തെ മധ്യവയസ്കന്റേതാണ്. അതേ അൻപതുകാരൻ ഇന്നാണെങ്കിൽ പല നിറത്തിലുള്ള സ്ലിം ഫിറ്റ് ഷർട്ടും ജീൻസുമിട്ട് കുട്ടപ്പനായി നടക്കുന്നു.