മുഖം ഇടിച്ചു ചളുക്കിയെന്നു പെദ്രോ; കോച്ചിനെ ക്ലബ് പുറത്താക്കി

സാവോ പോളോ ∙ മത്സരശേഷം കളിക്കാരന്റെ മുഖത്തിടിച്ച പരിശീലകനെ ബ്രസീൽ ക്ലബ് പുറത്താക്കി. ഫ്ലാമെൻഗോയുടെ സഹപരിശീലകൻ പാബ്‌ലോ ഫെർണാണ്ടസാണ് ടീമിലെ പ്രമുഖ താരത്തിന്റെ മുഖത്തിടിച്ചത്. കഴിഞ്ഞ ലോകകപ്പിൽ ബ്രസീൽ ദേശീയ ടീമിൽ കളിച്ച പെദ്രോയാണ് പരാതിക്കാരൻ.

കഴിഞ്ഞ ദിവസം ഡ്രസിങ് റൂമിൽ വച്ച് അസിസ്റ്റന്റ് കോച്ച് തന്റെ മുഖം ഇടിച്ചു ചളുക്കിയെന്നു പെദ്രോ സമൂഹമാധ്യമങ്ങളിലൂടെ പുറംലോകത്തെ അറിയിച്ചു. പൊലീസിൽ പരാതിയും നൽകി. പെദ്രോയുടെ പരാതിയെത്തുടർന്ന് ഫെർണാണ്ടസിനെ ക്ലബ് പുറത്താക്കുകയും ചെയ്തു.

English Summary: Flamengo assistant coach Pablo Fernandez punched player Pedro's face