80 ഹാളുകൾ കൂടി പ്രാർഥനയ്ക്കായി തുറന്നു

മക്ക∙ ഹറംപള്ളിയുടെ മൂന്നാംഘട്ട വികസനത്തിന്റെ ഭാഗമായി നിർമാണം പൂർത്തിയായ 80 പുതിയ ഹാളുകൾ കൂടി പ്രാർഥനയ്ക്കായി തുറന്നുകൊടുത്തു. ഇതിൽ 3 ലക്ഷം പേർക്ക് നമസ്കരിക്കാനുള്ള സൗകര്യമുണ്ട്.

വടക്കുഭാഗത്തുള്ള ഹാൾ കൂടി നിർമാണം പൂർത്തിയാകുന്നതോടെ 2.8 ലക്ഷം പേർക്കു കൂടി നമസ്കരിക്കാൻ സൗകര്യമുണ്ടാകും. കിങ് അബ്ദുല്ല ഗേറ്റ് 100, വടക്കു ഭാഗത്തുള്ള 104, 106, 112, 173, 175, 176, പടിഞ്ഞാറ് ഭാഗത്തുള്ള 114,116, 119, 121, 123, കിഴക്കുഭാഗത്തുള്ള 162, 165, 169 ഗേറ്റുകളിലൂടെയാണ് പുതിയ പ്രാർഥനാ ഹാളിലേക്കു പ്രവേശിക്കാനാവുക.