Wayanad Landslide

ADVERTISEMENT

വയനാട് ദുരന്തബാധിതർക്കുള്ള 300 രൂപ, ഫുഡ് കൂപ്പൺ ആനുകൂല്യങ്ങൾ മുടങ്ങി

കൽപറ്റ ∙ മുണ്ടക്കൈ–ചൂരൽമല ടൗൺഷിപ് നിർമാണവുമായി സർക്കാർ അതിവേഗം മുന്നോട്ടു പോവുമ്പോഴും ദുരന്തബാധിതർക്കു സർക്കാർ പ്രഖ്യാപിച്ച ആനുകൂല്യങ്ങളിൽ പലതും ലഭ്യമാകാതെ ദുരിതക്കയത്തിൽ തുടരുകയാണ് ഉരുൾപൊട്ടൽ ദുരന്തബാധിതർ. ദുരന്തബാധിത കുടുംബത്തിലെ 2 പേർക്ക് പ്രതിദിനം 300 രൂപ തോതിൽ പ്രഖ്യാപിച്ച ആശ്വാസധനം, 1000 രൂപയുടെ ഫുഡ് കൂപ്പൺ തുടങ്ങിയവ മുടങ്ങി.ഇതിനു പുറമേ, വാടക തുക വിതരണവും താളംതെറ്റി. ഇതോടെ, ചെറിയ പെരുന്നാളിനും വിഷുവിനും പിന്നാലെ ഇൗസ്റ്ററിനും പട്ടിണി കിടക്കേണ്ട ഗതികേടിലാണു ദുരന്തബാധിതർ.
Wayanad News
വയനാട് ദുരന്തബാധിതർക്കുള്ള ടൗൺഷിപ് നിർമാണം: മാതൃകാ വീടിനായി പണി തുടങ്ങുന്നു

കൽപറ്റ ∙ മുണ്ടക്കൈ–ചൂരൽമല ദുരന്തബാധിതർക്കുള്ള മാതൃകാടൗൺഷിപിന്റെ നിർമാണ പ്രവർത്തനങ്ങൾ ഔപചാരികമായി ആരംഭിച്ചു. വിഷു അവധിക്കു ശേഷം 16 മുതൽ ഊരാളുങ്കൽ ജീവനക്കാർ തിരികെ ജോലിയിൽ പ്രവേശിക്കും. അതോടെ, നിർമാണ പ്രവർത്തനങ്ങൾ പൂർണതോതിലാകും. മാതൃകാവീടിനായി ഇന്നു കുഴിയെടുക്കും. സ്ഥലം ഏറ്റെടുക്കാമന്ന അനുകൂല കോടതി വിധി വന്നതിനു പിന്നാലെ എൽസ്റ്റൺ എസ്റ്റേറ്റിലെ കാടുവെട്ടുന്ന പണികൾ തുടങ്ങിയിരുന്നു. 400ൽ അധികം തൊഴിലാളികളെ വിന്യസിച്ചുള്ള പ്രവൃത്തികൾക്കാണ് ഇന്ന് തുടക്കമാകുന്നത്.
Wayanad News
ടൗൺഷിപ്പ്: എൽസ്റ്റണിൽ കണ്ണീരും കിനാവും

കൽപറ്റ ∙ ഉരുൾപൊട്ടലിൽ സർവതും നഷ്ടമായ മുണ്ടക്കൈ–ചൂരൽമല ദുരന്തബാധിതർക്ക് പ്രതീക്ഷയുടെ പുലരിയായിരുന്നു ഇന്നലെ. അതേസമയം, എൽസ്റ്റൺ എസ്റ്റേറ്റിലെ തോട്ടം തൊഴിലാളികൾക്ക് ആശങ്കയുടെ പകലും. മുണ്ടക്കൈ–ചൂരൽമല ഉരുൾപൊട്ടൽ ദുരന്തബാധിതർക്കായി സർക്കാർ വാഗ്ദാനം ചെയ്ത മാതൃകാ ടൗൺഷിപ്പിനായി ഏറ്റെടുത്ത എൽസ്റ്റൺ
Wayanad News
‘ഒരുമിച്ച്, ഒറ്റക്കെട്ടായി ദുരന്തബാധിതരുടെ പുനരധിവാസം നമ്മള്‍ പൂര്‍ത്തിയാക്കും’: ടൗണ്‍ഷിപ് നിര്‍മാണത്തിൽ മുഖ്യമന്ത്രി

തിരുവനന്തപുരം∙ വയനാട്ടില്‍ ചൂരല്‍മല, മുണ്ടക്കൈ ദുരന്തബാധിതര്‍ക്കായുള്ള മാതൃകാ ടൗണ്‍ഷിപ്പിന്റെ നിര്‍മാണം ആരംഭിച്ചതായി മുഖ്യമന്ത്രി പിണറായി വിജയന്‍. വെല്ലുവിളികള്‍ മറികടന്ന് പുനരധിവാസം പൂര്‍ത്തികരിക്കാന്‍ പ്രതിജ്ഞാബദ്ധമായി സര്‍ക്കാര്‍ മുന്നോട്ടുപോവുകയാണെന്നും മുഖ്യമന്ത്രി സമൂഹമാധ്യമത്തില്‍ കുറിച്ചു.
Latest News
‘ആശ്രയമൊരുങ്ങുന്നു’: വയനാട് ടൗൺഷിപ്പ് നിർമാണ ജോലികൾക്ക് തുടക്കം; എത്രയും വേഗം മുന്നോട്ടു കൊണ്ടുപോകുമെന്ന് ഊരാളുങ്കൽ

കൽപറ്റ∙ ചൂരൽമല–മുണ്ടക്കൈ ഉരുൾപൊട്ടൽ ദുരന്തബാധിതർക്കായി കൽപറ്റ എൽസ്റ്റൺ എസ്റ്റേറ്റിൽ നിർമിക്കുന്ന ടൗൺഷിപ്പിന്റെ നിർമാണ ജോലികൾ ആരംഭിച്ചു. തേയിലച്ചെടികൾ പിഴുതുമാറ്റി നിലം ഒരുക്കുന്ന പ്രവർത്തികളാണ് ആരംഭിച്ചത്. സ്ഥലം ഏറ്റെടുക്കാമെന്ന് കോടതി ഉത്തരവ് വന്നതോടെ ഇന്നലെ രാത്രി തന്നെ ജില്ലാ കലക്ടറുടെ നേതൃത്വത്തിൽ നടപടിക്രമങ്ങൾ പൂർത്തിയാക്കി ബോർഡ് സ്ഥാപിച്ചു. കല്‍പറ്റ വില്ലേജ് ബ്ലോക്ക് 19 റീ സര്‍വേ നമ്പര്‍ 88ല്‍ 64.4705 ഹെക്ടര്‍ ഭൂമിയാണ് ഏറ്റെടുത്ത് സര്‍ക്കാര്‍ ബോര്‍ഡ് സ്ഥാപിച്ചത്. ഇന്നലെ വൈകിട്ട് ഏഴ് മണിക്കു ശേഷമാണ് ഹൈക്കോടതി ഉത്തരവ് ലഭിച്ചത്.
Latest News
വായ്പയിലും കേന്ദ്രം കൈവിട്ടു; ദുരന്തബാധിതർ ആശങ്കയിൽ

കൽപറ്റ ∙ മുണ്ടക്കൈ–ചൂരൽമല ദുരന്തബാധിതരുടെ വായ്പ എഴുതിത്തള്ളില്ലെന്നു കേന്ദ്ര സർക്കാർ ഹൈക്കോടതിയെ വീണ്ടും അറിയിച്ചതോടെ ദുരിതബാധിതർ ആശങ്കയിൽ‍‍. മൊറട്ടോറിയത്തിന് മാത്രമേ അംഗീകാരമുള്ളൂ എന്നും വായ്പ എഴുതിത്തള്ളുന്നത് ബാങ്കുകളുടെ വിവേചനാധികാരമാണെന്നുമാണു കേന്ദ്ര സർക്കാർ കോടതിയെ അറിയിച്ചത്. പ്രാഥമിക
Wayanad News
‘വയനാട് പുനരധിവാസത്തിന് എൽസ്റ്റൺ എസ്റ്റേറ്റ് ഏറ്റെടുക്കാം; 17 കോടി രൂപ കൂടി സർക്കാർ കെട്ടിവയ്ക്കണം’

കൊച്ചി ∙ വയനാട് ചൂരൽമല–മുണ്ടക്കൈ ദുരന്തബാധിതരുടെ പുനരധിവാസത്തിനു ടൗൺഷിപ് നിർമിക്കാനുള്ള ഭൂമി ഏറ്റെടുക്കുന്നതിനുള്ള തടസ്സങ്ങൾ നീങ്ങി. ടൗൺഷിപ്പ് നിർമിക്കാനായി എൽസ്റ്റൺ എസ്റ്റേറ്റ് ഏറ്റെടുക്കാമെന്നും ഇതിനായി നേരത്തെ നൽകിയ തുകയ്ക്കു പുറമെ 17 കോടി രൂപ കൂടി സർക്കാർ കെട്ടിവയ്ക്കണമെന്നും ഹൈക്കോടതി ഇന്ന് നിർദേശിച്ചു.
Latest News
വയനാട് പുനരധിവാസം: എൽസ്റ്റൺ എസ്റ്റേറ്റിന്റെ ന്യായവില നിർണയിക്കുന്നതിൽ അപാകതയുണ്ടായെന്ന് സർക്കാർ

കൽപറ്റ/കൊച്ചി∙ ചൂരൽമല–മുണ്ടക്കൈ ഉരുൾപൊട്ടൽ ദുരന്തബാധിതർക്കായി നിർമിക്കുന്ന ടൗൺഷിപ്പിന് ഏറ്റെടുത്ത എൽസ്റ്റൺ എസ്റ്റേറ്റിന്റെ ന്യായവില നിർണയിക്കുന്നതിൽ അപാകതയുണ്ടായെന്ന് സർക്കാർ ഹൈക്കോടതിയെ അറിയിച്ചു. 26 കോടി രൂപയാണ് എൽസ്റ്റൺ എസ്റ്റേറ്റ് ഉടമയ്ക്ക് നഷ്ടപരിഹാരമായി സർക്കാർ ആദ്യം നിർണയിച്ചത്. എന്നാൽ ന്യായവിലയിൽ മാറ്റം വന്നതോടെ ഇത് 42 കോടി രൂപയായി മാറുമെന്ന് സർക്കാർ കോടതിയെ അറിയിച്ചു. കോടതിയുടെ നിർദേശപ്രകാരം തുക കൈമാറാമെന്നും അറിയിച്ചു.
Latest News
വയനാട് ഉരുൾപൊട്ടൽ: ദുരിതബാധിതരുടെ ബാങ്ക് വായ്പ എഴുതിത്തള്ളണമെന്ന് ആവർത്തിച്ച് ഹൈക്കോടതി

മുണ്ടക്കൈ–ചൂരൽമല ദുരിതബാധിതരുടെ ബാങ്ക് വായ്പ എഴുതിത്തള്ളുന്ന കാര്യം കേന്ദ്ര സർക്കാർ പരിഗണിക്കണമെന്ന് ആവർത്തിച്ച് ഹൈക്കോടതി. ദേശീയ ദുരന്ത നിവാരണ നിയമം (എൻഡിഎംഎ) അനുസരിച്ച് വായ്പ എഴുതിത്തള്ളലിന് അടക്കം സാഹചര്യമുണ്ട്. കേരള ബാങ്ക് വായ്പ പൂർണമായും എഴുതിത്തള്ളിയിട്ടുണ്ട്. മറ്റു ബാങ്കുകൾക്കും ഇത് പരിഗണിക്കാൻ കഴിയില്ലേ എന്നും ജസ്റ്റിസുമാരായ എ.കെ.ജയശങ്കരൻ നമ്പ്യാരും എസ്.ഈശ്വരനും അടങ്ങിയ ബെഞ്ച് പരാമർശിച്ചു.
Latest News
‘വയനാട് ഉരുൾപൊട്ടൽ ദുരിതബാധിതരുടെ ബാങ്ക് വായ്പ എഴുതിത്തള്ളാനാവില്ല’; നിലപാട് ആവർത്തിച്ച് കേന്ദ്ര സർക്കാർ

കൊച്ചി ∙ വയനാട് മുണ്ടക്കൈ–ചൂരൽമല ദുരിതബാധിതരുടെ ബാങ്ക് വായ്പ എഴുതിത്തള്ളാനാവില്ലെന്ന നിലപാട് ആവർത്തിച്ച് കേന്ദ്ര സർക്കാർ. ഹൈക്കോടതിയിൽ നൽകിയ സത്യവാങ്മൂലത്തിലാണ് കേന്ദ്രം ഇക്കാര്യം വ്യക്തമാക്കിയത്. ഇതിനു പകരം ഒരു വർഷത്തെ മോറട്ടോറിയവും വായ്പ പുനഃക്രമീകരണവുമാണ് സത്യവാങ്മൂലത്തിൽ പറഞ്ഞിരിക്കുന്നത്. ജസ്റ്റിസുമാരായ ഡോ. എ.കെ.ജയശങ്കരൻ നമ്പ്യാർ, എസ്.ഈശ്വരൻ എന്നിവരുടെ ബെഞ്ച് കേസ് നാളെ വീണ്ടും പരിഗണിക്കും.
Latest News

Results 1-10 of 1134

ADVERTISEMENT

News & Specials
Now on WhatsApp

Get latest news updates and Onmanorama exclusives on our WhatsApp channel.