ഇന്ത്യയില്‍ വിദേശ ബാങ്കുകള്‍ക്ക്‌ വളരാൻ ആവശ്യമായ അന്തരീക്ഷമുണ്ടെന്ന് നിര്‍മല സീതാരാമൻ; ലണ്ടനിൽ അറുപതോളം നിക്ഷേപകരുമായി കൂടിക്കാഴ്ച

ലണ്ടൻ ∙ ഇന്ത്യയില്‍ വിദേശ ബാങ്കുകള്‍ക്ക്‌ വളരാനാവശ്യമായ അന്തരീക്ഷമുണ്ടെന്ന് കേന്ദ്ര ധനമന്ത്രി നിര്‍മല സീതാരാമൻ പറഞ്ഞു. യുകെ, ഓസ്‌ട്രിയ എന്നിവിടങ്ങളിലെ ഔദ്യോഗിക സന്ദർശനത്തോട് അനുബന്ധിച്ച് ലണ്ടനിൽ നടന്ന നിക്ഷേപക ചർച്ചയെ അഭിസംബോധന ചെയ്യുകയായിരുന്നു നിർമല സീതാരാമൻ.

യുകെയിലെ വി​വി​ധ പെ​ൻ​ഷ​ൻ ഫ​ണ്ട് കമ്പനികൾ, ഇ​ൻ​ഷു​റ​ൻ​സ് ക​മ്പ​നി​ക​ൾ, ബാ​ങ്കു​ക​ൾ, മ​റ്റ് ധ​ന​കാ​ര്യ സ്ഥാ​പ​ന​ങ്ങ​ൾ എ​ന്നി​വ​യെ പ്ര​തി​നി​ധാ​നം​ ചെ​യ്തു​ള്ള അറുപതോളം യുകെ, ഇന്ത്യൻ നി​ക്ഷേ​പ​ക​രു​മാ​യി നിർമല സീതാരമൻ കൂടിക്കാഴ്ച നടത്തി.

‘ന​വ ഇ​ന്ത്യ’ ല​ക്ഷ്യ​മി​ട്ട്, സു​സ്ഥി​ര​മാ​യ സാ​മ്പ​ത്തി​ക വ​ള​ർ​ച്ച​യും നി​ക്ഷേ​പ അ​വ​സ​ര​ങ്ങ​ളും ഒ​രു​ക്കാ​ൻ ഇന്ത്യൻ സ​ർ​ക്കാ​ർ മു​ൻ​ഗ​ണ​ന ന​ൽ​കു​ന്ന കാ​ര്യം ധനമ​ന്ത്രി നിക്ഷേപകരോട് വി​ശ​ദീ​ക​രി​ച്ച​താ​യി ധ​ന​മ​ന്ത്രാ​ല​യം അ​റി​യി​ച്ചു.

വ്യാപാരത്തിനും നി​ക്ഷേ​പ​ങ്ങ​ൾ​ക്കും അ​നു​കൂ​ല​മാ​യ അ​ന്ത​രീ​ക്ഷം ഒ​രു​ക്കു​ന്ന​തി​ന്  രാജ്യത്ത് ഏ​ർ​പ്പെ​ടു​ത്തി​യ പ​രി​ഷ്കാ​ര​ങ്ങ​ൾ നിക്ഷേപക സംഗമത്തിൽ ധനമ​ന്ത്രി എ​ടു​ത്തു​ പറഞ്ഞു. ചൊവ്വാഴ്ച യുകെയിൽ എത്തിയ നിർമല സീതാരാമൻ യുകെയിലെ വിവിധ മന്ത്രിമാരെ സന്ദർശിച്ച ശേഷം കഴിഞ്ഞ ദിവസം ഓസ്‌ട്രിയയിൽ എത്തി. ഏപ്രിൽ 13 വരെ ഓസ്‌ട്രിയ സന്ദർശനം തുടരും.