ലാലിനൊപ്പം അബു സലിമിന്റെ ഫോട്ടോ; പകർത്തിയത് മമ്മൂട്ടി; താര ചിത്രങ്ങൾ

താരസംഘടനയായ ‘അമ്മ’യുടെ ഇരുപത്തിയഞ്ചാം ജനറല്‍ ബോഡി താരനി‌ശ തന്നെയായിരുന്നു. വിണ്ണിലെ നക്ഷത്രങ്ങളെല്ലാം മണ്ണില്‍ വന്നിറങ്ങിയ അനുഭവം. 

ബോള്‍ഗാട്ടി ഗ്രാന്‍റ് ഹയാത്ത് ഹോട്ടലിലാണ് യോഗം സംഘടിപ്പിച്ചത്. മുന്നൂറിലേറെ സിനിമാ താരങ്ങളാണ് സംഗമത്തിനായി എത്തിയത്.

യോഗം കൂടുന്നുണ്ടെന്നറിഞ്ഞ് നിരവധി ആളുകളാണ് ഹോട്ടലിനു മുന്നിൽ തടിച്ചുകൂടിയത്. ഇഷ്ടതാരങ്ങൾ വാഹനങ്ങളിൽ നിന്നും പുറത്തിറങ്ങുമ്പോൾ അവർക്കൊപ്പം ചിത്രമെടുക്കാനും സംസാരിക്കാനും തിരക്കുകൂട്ടുകയായിരുന്നു ഇവർ.

ആരാധകരെ പോലെ തന്നെ മോഹൻലാലിനും മമ്മൂട്ടിക്കുമൊപ്പം ഫോട്ടോ എടുക്കുവാൻ മത്സരിക്കുകയായിരുന്നു താരങ്ങളും. അതിനിടെ മോഹൻലാലിനൊപ്പമുള്ള ഫോട്ടോ അബു സലിമിനു വേണ്ടി എടുത്തുനൽകിയത് മമ്മൂട്ടിയാണ്. സൂപ്പർതാരങ്ങളുടെ സൗഹൃദം വ്യക്തമാക്കുന്ന രസകരമായ നിമിഷങ്ങളും ഇവിടെ അരങ്ങേറി.