ADVERTISEMENT

അബുദാബി ∙ പച്ചക്കറി മാലിന്യം വൈദ്യുതിയാക്കി മാറ്റുന്ന സുസ്ഥിര വികസന പദ്ധതി യുഎഇക്ക് സമർപ്പിച്ച് ഇന്ത്യൻ വിദ്യാർഥികൾ. അബുദാബി വെസ്റ്റ് ബനിയാസിലെ ഇന്റർനാഷനൽ ഇന്ത്യൻ സ്കൂൾ വിദ്യാർഥികളാണ് ഉപയോഗശൂന്യമായ വസ്തുക്കൾ ഉപയോഗിച്ച് വൈദ്യുതി ഉൽപാദിപ്പിക്കുന്ന പദ്ധതി രാജ്യത്തിനു പരിചയപ്പെടുത്തിയത്.

അബുദാബി ഇന്ത്യ സോഷ്യൽ ആൻഡ് കൾചറൽ സെന്ററിൽ നടന്ന ഇന്ത്യ ഫെസ്റ്റിലെ എക്സിബിഷനിലാണ് പദ്ധതി അവതരിപ്പിച്ചത്. അഞ്ചാം ക്ലാസ് വിദ്യാർഥിനിയും മലയാളിയുമായ ഇ.കെ.ആയിഷ സെയ്ൻ, എട്ടാം ക്ലാസ് വിദ്യാർഥികളായ ഷയാൻ അലി, റോണി, എന്നിവർ സംയുക്തമായാണ് പദ്ധതി ആവിഷ്കരിച്ചത്. വൈദ്യുതി ഉൽപാദിപ്പിക്കുന്നതിനുള്ള ഇലക്ട്രോകെമിക്കൽ പ്രതിപ്രവർത്തനത്തിൽ പച്ചക്കറി മാലിന്യത്തെ ഒരു ഓർഗാനിക് ഇലക്ട്രോലൈറ്റാക്കുകയായിരുന്നു ഇവർ.

12 വോൾട്ട് ബൾബുകൾക്കും ആവശ്യമായ വൈദ്യുതി ഉൽപാദിപ്പിച്ച് സന്ദർശകർക്ക് ഇതിന്റെ പ്രവർത്തനം വിശദീകരിച്ചുകൊടുക്കുകയും ചെയ്യുന്നു ഇവർ. ചെറിയ കുടുംബത്തിന് ആവശ്യമായ വൈദ്യുതി ഇങ്ങനെ ഉൽപാദിപ്പിക്കാനാവും. വ്യാവസായിക അടിസ്ഥാനത്തിൽ ആവിഷ്കരിച്ചു നടപ്പാക്കിയാൽ ഒരേസമയം പരിസ്ഥിതി മലിനീകരണം തടയാനും വൈദ്യുതി ക്ഷാമം പരിഹരിക്കാനും സാധിക്കുമെന്ന് ഇവർ ചൂണ്ടിക്കാട്ടുന്നു.

English Summary:

Indian students have submitted a project to the UAE that proposes converting vegetable waste into electricity

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com