ടിക്കറ്റ് കൊടുക്കാതെ പണം വാങ്ങി; കെഎസ്ആർടിസി കണ്ടക്ടറെ വിജിലൻസ് പിടികൂടി

മൂലമറ്റം ∙ ടിക്കറ്റ് കൊടുക്കാതെ യാത്രക്കാരനിൽ നിന്നു തുക വാങ്ങിയ കെഎസ്ആർടിസി കണ്ടക്ടറെ വിജിലൻസ് സംഘം പിടികൂടി. മൂലമറ്റം ഡിപ്പോയിലെ കണ്ടക്ടർ സുരേഷ്കുമാറിനെയാണ് തിരുവനന്തപുരത്തുനിന്ന് എത്തിയ വിജിലൻസ് സംഘം പിടികൂടിയത്.    

ഞായറാഴ്ച ഉച്ചകഴിഞ്ഞ് ഏലപ്പാറയിൽനിന്നു വന്ന ദേവരുപാറ ബസിലായിരുന്നു സംഭവം. പുള്ളിക്കാനം ഡിസി കോളജ് സ്റ്റോപ്പിലിറങ്ങിയ കുട്ടികളിൽ നിന്നാണ് ടിക്കറ്റ് കൊടുക്കാതെ കണ്ട‌ക്‌ടർ പണം വാങ്ങിയത്. സംഭവം ഇതേ ബസിലുണ്ടായിരുന്ന വിജിലൻസ് സംഘത്തിന്റെ ശ്രദ്ധയിൽപെടുകയായിരുന്നു. കണ്ടക്ടർക്കെതിരെ വകുപ്പുതല നടപടിയുണ്ടാകും.