അടുത്തയാഴ്ച നിങ്ങൾക്കെങ്ങനെ? സമ്പൂർണ വാരഫലം

അശ്വതി: ദാമ്പത്യജീവിതത്തിൽ സുഖകരമല്ലാത്ത അനുഭവങ്ങളുണ്ടാകും. കൃഷിയിൽ നിന്ന് നേട്ടങ്ങളുണ്ടാകും. തൊഴിലിൽ നിന്നുള്ള നേട്ടങ്ങൾ കൈവരിക്കും. അനവസരത്തിൽ അഭിപ്രായപ്രകടനം നടത്തി വെറുപ്പ് സമ്പാദിക്കും. പൊതുവിൽ വിശ്രമം കുറഞ്ഞിരിക്കും. മംഗളകർമങ്ങളിൽ സംബന്ധിക്കും. പൈതൃകസ്വത്തിന്റെ അനുഭവമുണ്ടാകും. 

ഭരണി: സുഹൃത്തുക്കൾ വഴി കാര്യസാധ്യം. പൊതുപ്രവർത്തനങ്ങളിൽ നേട്ടം. അലച്ചിൽ വർധിക്കും. കഠിനപരിശ്രമം കൊണ്ട് മാത്രമേ കാര്യസാധ്യം ഉണ്ടാവുകയുള്ളൂ. സാമ്പത്തികബുദ്ധിമുട്ട് മൂലം പല കാര്യങ്ങളും മാറ്റിവയ്ക്കേണ്ടിവരും. അന്യരുടെ പ്രീതി സമ്പാദിക്കും. കുടുംബസമേതം യാത്രകൾ  നടത്തും. 

കാർത്തിക: ഏറ്റെടുത്ത ജോലികൽ ചിലപ്പോൾ  ഉപേക്ഷിക്കേണ്ടതായി വരാം. അന്യരോടുള്ള പെരുമാറ്റത്തിൽ  തെറ്റിദ്ധാരണ ഉണ്ടാകാതെ ശ്രദ്ധിക്കുക. ഗുണദോഷസമ്മിശ്രമായ ഫലങ്ങൾ നിലനിൽക്കുന്നു. ഏതെങ്കിലും തരത്തിലുള്ള സ്ഥാനലബ്ധിയുണ്ടാകും. ഭൂമിയിൽ നിന്നുള്ള ആദായം പ്രതീക്ഷിക്കാം. വാഹനം മാറ്റി വാങ്ങാനുള്ള ആഗ്രഹം സഫലമാകും. ബിസിനസിൽ  നേട്ടങ്ങൾ പ്രതീക്ഷിക്കാം. 

രോഹിണി :സ്വദേശം വിട്ടു നിൽക്കേണ്ടി വന്നേക്കാം. വ്യവഹാരങ്ങളിൽ വിജയം. തർക്കങ്ങളിൽ മധ്യസ്ഥം വഹിക്കും. കുടുംബാംഗങ്ങളിൽ നിന്നുള്ള പെരുമാറ്റം വിഷമം സൃഷ്ടിക്കും. വിദേശയാത്രാശ്രമം വിജയിക്കും. കൃഷിപ്പണിയിൽ താൽപര്യം വർധിക്കും. മോഷണം പോയ വസ്തുക്കൾ തിരികെ കിട്ടും.

മകയിരം : അന്യദേശവാസം വേണ്ടിവരും. സാമ്പത്തികവിഷമതകൾ ശമിക്കും. പുണ്യസ്ഥലങ്ങൾ സന്ദർശിക്കും. സന്താനങ്ങൾക്കായി പണം ചെലവിടും. അർഹിക്കാത്ത ധനം കൈവശം വന്നുചേർന്നെന്നു വരാം. വളരെക്കാലം ശ്രമിച്ചിട്ടും നടക്കാതിരുന്ന കാര്യങ്ങൾ പെട്ടെന്ന് സാധിതമാകും. 

തിരുവാതിര : മാതൃഗുണം ലഭിക്കും. ജീവിതപങ്കാളിവഴി നേട്ടം. കലാരംഗത്ത് പ്രവർത്തിക്കുന്നവർക്ക് മികവ്. അടുത്ത ബന്ധുക്കളുടെ വിവാഹം നടക്കുകയും അതിൽ സംബന്ധിക്കുകയും ചെയ്യും. സ്വപ്രയത്നത്തിൽ  വിജയം. നേട്ടങ്ങൾ മനസന്തോഷം നൽകും. ഉത്തരവാദിത്തങ്ങൾ വർധിച്ചുകൊണ്ടിരിക്കും. 

പുണർതം: അനാവശ്യചിന്തകൾ വർധിക്കും. അന്യരെ വാക്കുകൊണ്ട് വേദനിപ്പിക്കും. കുടുംബ സുഖം കുറഞ്ഞിരിക്കും. സ്വന്തം കഴിവിനാൽ കാര്യങ്ങൾ സാധിക്കും. ദീർഘ യാത്ര വേണ്ടിവരും. ഗൃഹോപകരണങ്ങൾ  വാങ്ങും. പിതൃസ്വത്ത് ലഭിക്കുകയോ പിതാവിൽ നിന്ന് അനുഭവഗുണമുണ്ടാവുകയോ ചെയ്യും.

പൂയം: സജ്ജനങ്ങളുടെ സഹായം ലഭിക്കും. മനസിനിണങ്ങിയ ജീവിതപങ്കാളിയെ കണ്ടെത്തുന്നതിൽ വിജയിക്കും. തൊഴിൽരഹിതർക്ക് അനുകൂല ഉത്തരവുകൾ ലഭിക്കും. പുതിയ ബിസിനസ് തുടങ്ങാൻ ശ്രമിക്കുന്നവർക്ക് അനുകൂല സമയം. ശത്രുക്കളിൽ  നിന്നും നിരന്തരമായ ശല്യമുണ്ടാവാം. മുൻകോപം  നിയന്ത്രിക്കണം. ദാമ്പത്യപരമായ കലഹങ്ങൾ അവസാനിക്കും. 

ആയില്യം: സ്വന്തം കാര്യങ്ങൾ ബുദ്ധിപൂർവ്വം കൈകാര്യം ചെയ്യും. കർമ്മ രംഗത്ത് ശത്രുക്കളുടെ ശല്യമുണ്ടാകുമെങ്കിലും അവയെല്ലാം അതിജീവിക്കും. നിദ്രാഭംഗം അനുഭവപ്പെടും. അനാവശ്യമായ ആരോപണങ്ങൾ മൂലം വിഷമിക്കും .മംഗളകാര്യങ്ങളിൽ പങ്കെടുക്കും. കർമരംഗത്ത് അസൂയാവഹമായ നേട്ടങ്ങൾ കൈവരിക്കാൻ സാധിക്കും. സകുടുംബം വിനോദ പരിപാടികളിൽ പങ്കെടുക്കും.  

മകം: ബന്ധുക്കൾ ശത്രുതാമനോഭാവത്തോടെ പെരുമാറും. വിദ്യാർഥികൾക്ക് അലസത വർധിക്കും.   ഉത്സാഹിച്ചു പ്രവർത്തിച്ചു മുന്നേറുന്നതിൽ തടസ്സം. മാതാവുമായോ മാതൃസ്ഥാനീയരുമായോ അഭിപ്രായ ഭിന്നത. സന്താനങ്ങൾ  മുഖേന മനഃസമാധാനക്കുറവ് അനുഭവപ്പെടും. ഗൃഹത്തിൽ മംഗളകർമ്മങ്ങൾ നടക്കും. പൊതുവേ എല്ലാകാര്യത്തിലും വിജയം പ്രതീക്ഷിക്കാം. 

പൂരം: ദമ്പതികൾ തമ്മിൽ അഭിപ്രായ വ്യത്യാസം ഉണ്ടാകും. നിലവിലുള്ള കടബാദ്ധ്യതകൾ വർധി ക്കാതിരിക്കുവാൻ ശ്രദ്ധിക്കണം. വിദ്യാർഥികൾക്ക് അനുകൂല സമയം. പെട്ടെന്നുള്ള ചെലവുകൾ വരുന്നതിനാൽ കയ്യിൽ പണം തങ്ങുകയില്ല.  ഉന്നതവ്യക്തികളുമായി സൗഹൃദം സ്ഥാപിക്കാൻ അവസരം ലഭിക്കും. സ്വന്തം ആവശ്യങ്ങൾക്ക് വേണ്ടിയോ മറ്റുള്ളവർക്ക് വേണ്ടിയോ ആശുപത്രിയുമായി ബന്ധപ്പെടേണ്ടി വരും. 

ഉത്രം: കർമരംഗത്ത് അസൂയാവഹമായ നേട്ടങ്ങൾ കൈവരിക്കാൻ സാധിക്കും. മാതൃഗുണം പ്രതീക്ഷിക്കാം. കലാരംഗത്ത് പ്രവർത്തിക്കുന്നവർക്ക് പ്രശസ്തിയും അംഗീകാരങ്ങളും ലഭിക്കും. സാമ്പത്തിക പ്രശ്നങ്ങൾ  പരിഹരിക്കുവാൻ സാധിക്കും. വിവാഹ കാര്യത്തിൽ അനുകൂല തീരുമാനം ഉണ്ടാവും. സാമ്പത്തിക  ഇടപാടുകളിൽ അധിക ശ്രദ്ധ പുലർത്തുക. 

അത്തം: അസമയത്തുള്ള യാത്ര ഒഴിവാക്കണം. മത്സരപരീക്ഷകളിൽ വിജയ സാധ്യത കാണുന്നു. മാനസിക സംഘർഷങ്ങൾ കൂടും. ജീവിത പങ്കാളിയിൽ നിന്നും പിന്തുണ ലഭിക്കും. വാക്‌സാമർഥ്യം പ്രകടിപ്പിക്കും. സഹപ്രവർത്തകരുടെ അനുമോദനം ലഭിക്കും. പിതൃഗുണവും ഭാഗ്യപുഷ്ടിയും അനുഭവപ്പെടും. മാനസിക സംഘർഷങ്ങൾക്ക് ഇടയാക്കുന്ന സംഭവങ്ങൾ ഉണ്ടാകും. മുൻകോപം നിയന്ത്രിക്കണം. 

ചിത്തിര: ദമ്പതികൾ തമ്മിൽ നിലനിന്ന അഭിപ്രായ വ്യത്യാസം ശമിക്കും. തൊഴിൽപരമായും വാരം നന്ന് .  .വിവാഹകാര്യത്തിന് നേരിട്ടിരുന്ന തടസങ്ങൾ മാറികിട്ടും. മനസിനിണങ്ങിയ ജീവിതപങ്കാളിയെ കണ്ടെത്തുന്നതിൽ  വിജയിക്കും. സന്താനങ്ങൾ മുഖേന മനസന്തോഷം അനുഭവപ്പെടും. ദാമ്പത്യ ജീവിതം സന്തോഷപ്രദമായിരിക്കും. മത്സര പരീക്ഷകളിൽ വിജയിക്കുവാൻ സാധ്യത.

ചോതി: കർമരംഗത്ത് അഭിവൃദ്ധി ഉണ്ടാകും. യാത്രകൾ മുഖേന പ്രതീക്ഷിച്ചതിനേക്കാൾ ഗുണം ലഭിക്കും. സാമൂഹിക സാഹിത്യ രംഗത്തുള്ളവർക്ക് അംഗീകാരവും പ്രശസ്തിയും ലഭിക്കും. പുതിയ സുഹൃത്ത് ബന്ധം മുഖേന ജീവിതത്തിൽ മാറ്റം ഉണ്ടാകും. ആദ്ധ്യാത്മിക വിഷയങ്ങളിൽ താൽപര്യം ജനിക്കും. തൊഴിലിനായുള്ള പരിശ്രമങ്ങൾ ഭാഗികമായി വിജയിക്കും. ഏത് കാര്യത്തിന് പരിശ്രമിച്ചാലും വിജയത്തിലെത്തിക്കുവാൻ സാധിക്കും. 

വിശാഖം: തടസ്സപ്പെട്ടുകിടന്നിരുന്ന കാര്യങ്ങൾ മുന്നോട്ടു നീക്കുവാൻ കഴിയും. സുഹൃത്തുക്കൾ വഴി നേട്ടം, സന്താന ഗുണമനുഭവിക്കും. അകൽച്ചയിൽ കഴിഞ്ഞിരുന്ന ബന്ധുക്കളുടെ പിണക്കം അവസാനിക്കും. കുടുംബ സൗഖ്യവർധന,  ബിസിനസ്സിൽ പുരോഗതി, സഹപ്രവർത്തകർ, അയൽവാസികൾ എന്നിവരിൽ നിന്ന് സഹായം, സാമ്പത്തിക വിഷമതകൾ മറികടക്കും. മനസ്സിനെ അനാവശ്യ ചിന്തകൾ  അലട്ടും.

അനിഴം: ചെയ്യാത്ത കുറ്റത്തിന് അപവാദം കേൾക്കേണ്ടി വരും. ആത്മധൈര്യം കൈവിടാതെ ശ്രദ്ധിക്കണം. മുൻകോപം നിയന്ത്രിക്കണം. ദാമ്പത്യ ജീവിതം സന്തോഷപ്രദമായിരിക്കും. മാതാവിന് ശാരീരിക അസുഖങ്ങൾ  അനുഭവപ്പെടും. അസാധാരണ വാക് സാമർഥ്യം കൊണ്ട് കാര്യസാദ്ധ്യം. ഉദരസംബന്ധമായ അസുഖങ്ങൾ  അനുഭവപ്പെടും. തൊഴിലിൽ അനുഭവപ്പെട്ടിരുന്ന ബുദ്ധിമുട്ടുകൾക്ക് അൽപം ആശ്വാസം ലഭിക്കും. 

തൃക്കേട്ട : സന്താനങ്ങളെക്കൊണ്ടുള്ള സന്തോഷം. വിദ്യാര്‍ഥികള്‍ക്ക് ഉയര്‍ന്നവിജയം. മാനസികമായി നിലനിന്നിരുന്ന സംഘര്‍ഷം അയയും. വിശ്രമം കുറയും. വാക്കുതര്‍ക്കങ്ങളിലേര്‍പ്പെടും. പുണ്യസ്‌ഥലങ്ങൾ  സന്ദര്‍ശിക്കും. സഹോദരങ്ങള്‍ക്കായി പണച്ചെലവുണ്ടാകും. അഭിപ്രായഭിന്നതകൾ  ശമിക്കുകവഴി കുടുംബസുഖം വര്‍ധിക്കും. അശ്രദ്ധ വര്‍ധിച്ച് ചെറിയ വീഴ്ച, പരിക്ക് എന്നിവയ്‌ക്ക് സാധ്യത. കാര്യവിജയം നേടും.

മൂലം: സഹോദര സ്ഥാനീയർ  മുഖേന മനഃക്ലേശത്തിന് സാദ്ധ്യത. പ്രേമവിവാഹത്തിന് ആഗ്രഹിക്കുന്നവർക്ക്  വീട്ടുകാരിൽ നിന്നും അനുകൂല മറുപടി ലഭിക്കും. ഗൃഹത്തിൽ മംഗളകർമങ്ങൾ നടക്കും. കലാരംഗത്ത് പ്രവർത്തിക്കുന്നവർക്ക്  അനുകൂല സമയം. ദമ്പതികൾ തമ്മിൽ അഭിപ്രായ വ്യത്യാസം ഉണ്ടാകും. കടബാദ്ധ്യതകൾ കുറയ്ക്കുവാൻ സാധിക്കും. ആഘോഷങ്ങളിൽ പങ്കെടുക്കും. നിരാശ വിട്ടുമാറും.  

പൂരാടം: പ്രമോഷൻ പ്രതീക്ഷിക്കുന്ന സർക്കാർ ജീവനക്കാർക്ക് അനുകൂല ഉത്തരവ് ലഭിക്കും. വിലപിടിപ്പുള്ള ഗൃഹോപകരണങ്ങൾ വാങ്ങിക്കും. തൊഴിൽ രഹിതർക്ക് ജോലിസാദ്ധ്യത . പുതിയ ബിസിനസ് തുടങ്ങാൻ  ശ്രമിക്കുന്നവർക്ക് അനുകൂല സമയം. പൊതുവെ എല്ലാ കാര്യങ്ങളിലും ആത്മ വിശ്വാസം വർധിക്കും. സൗമ്യമായ പെരുമാറ്റം കൊണ്ട് ഏവരുടേയും പ്രശംസനേടും. വാതജന്യ രോഗസാദ്ധ്യത .

ഉത്രാടം: പിതാവിനോ പിതൃ സ്ഥാനീയർക്കോ അരിഷ്ടതകൾ അനുഭവപ്പെടും. ഗൃഹാന്തരീക്ഷം അസംതൃപ്തകരമായിരിക്കും. വാഹന സംബന്ധമായി ചെലവുകൾ  വർധിക്കും. മനസിന് സംഘർഷമുണ്ടാക്കുന്ന വാർത്തകൾ കേൾക്കും . ആഢംബര വസ്തുക്കളിൽ താൽപര്യം വർധിക്കും. മത്സരപരീക്ഷകളിൽ വിജയ സാധ്യത. സഹോദരസ്ഥാനീയരുടെ സഹായം ഉണ്ടാകും.

തിരുവോണം: കർമ സംബന്ധമായി ബുദ്ധിമുട്ടുകൾ അനുഭവപ്പെടും. ദന്തരോഗത്തിന് സാദ്ധ്യത. സുഹൃത്തുക്കളിൽ നിന്നും ഗുണാനുഭവം പ്രതീക്ഷിക്കാം.  ദേശം നിന്നും വിട്ടുനിൽക്കേണ്ട അവസ്ഥയുണ്ടാകും. പുതിയ സംരംഭങ്ങൾ തുടങ്ങാൻ അനുകൂലസമയമല്ല. തുടങ്ങി വച്ച പല പ്രവർത്തനങ്ങളിൽ തടസ്സം നേരിടും. കർമരംഗത്ത് കൂടുതൽ ശ്രദ്ധ ആവശ്യമായി വരും. ബന്ധുജനങ്ങൾ വഴി സഹായം ലഭിക്കും. 

അവിട്ടം: ദാമ്പത്യ ജീവിതം സന്തോഷപ്രദമായിരിക്കും. സന്താനങ്ങളാൽ മനഃസന്തോഷം വർധിക്കും  .   ആരോഗ്യ വിഷമതകൾ അനുഭവപ്പെടും. കൂട്ടുകാർ നിമിത്തം അബദ്ധങ്ങളിൽ ചെന്ന് ചാടാം. സാമ്പത്തിക അച്ചടക്കം പാലിക്കുവാൻ പലപ്പോഴും കഴിയാതെവരും. മറ്റുള്ളവരിൽ നിന്ന് സഹായം ലഭിക്കും. രോഗദുരിതങ്ങൾക്ക് ശമനം കണ്ടുതുടങ്ങും. പൊതുപ്രവർത്തനങ്ങളിൽ  വിജയം. 

ചതയം: ബന്ധുജനങ്ങളിൽ നിന്നുള്ള അനുഭവങ്ങൾ കിട്ടും. യാത്രകൾ വേണ്ടിവരും. അകന്നുകഴിഞ്ഞിരുന്ന ബന്ധുക്കൾ പിണക്കം മതിയാക്കും. രോഗാവസ്‌ഥയിലുള്ളവര്‍ക്ക് ആശ്വാസം ലഭിക്കും. ഗൃഹോപകരണങ്ങൾ  പുതുതായി വാങ്ങും. സുഹൃത്തുക്കള്‍ക്കായി പണം ചെലവഴിക്കേണ്ടിവരും. ദാമ്പത്യജീവിതത്തിൽ  നിലനിന്നിരുന്ന അസ്വസ്‌ഥതകൾ ശമിക്കും.

പൂരുരുട്ടാതി : ഗുണദോഷസമ്മിശ്രമായ ഫലങ്ങൾ അനുഭവിക്കും. ശാരീരികമായി നിലനിന്നിരുന്ന വിഷമങ്ങൾ  ശമിക്കും. എന്നാൽ പണമിടപാടുകളിൽ നഷ്‌ടങ്ങള്‍ക്കുള്ള സാധ്യതയാണ് നിലനില്‍ക്കുന്നത്. മംഗളകര്‍മങ്ങളിൽ സംബന്ധിക്കും. ഗൃഹനിര്‍മാണത്തിൽ പുരോഗതി കൈവരിക്കും. വിദ്യാര്‍ഥികള്‍ക്ക് പഠനത്തിൽ  മികവുപുലര്‍ത്താൻ സാധിക്കും. 

ഉത്രട്ടാതി: പ്രതികൂലസാഹചര്യങ്ങൾ ഒന്നൊന്നായി തരണം ചെയ്യും. സാമ്പത്തികവിഷമങ്ങൾ നേരിടുമെങ്കിലും സുഹൃത്തുക്കൾ , ബന്ധുക്കൾ  എന്നിവരുടെ സഹായത്താൽ അവ തരണം ചെയ്യും. ഭൂമി, ഭവനം എന്നിവ വാങ്ങാനുള്ള പരിശ്രമം വിജയിക്കും. തൊഴിലന്വേഷകര്‍ക്ക് ഉത്തമജോലി ലഭിക്കും. ആയുധം, അഗ്നി ഇവയാൽ  പരിക്കേല്‍ക്കുവാൻ സാധ്യതയുണ്ട്. 

രേവതി:  ഗുണാനുഭവങ്ങൾ വര്‍ധിച്ചുനില്‍ക്കും. ഏര്‍പ്പെടുന്ന പ്രവര്‍ത്തനങ്ങളിൽ വിജയം കൈവരിക്കും. സാമ്പത്തികമായി നിലനിന്നിരുന്ന വിഷമതകൾ ശമിക്കും. എങ്കിലും ഒരുതരം അസംതൃപ്‌തി എപ്പോഴും പിന്തുടരും. സഹോദരങ്ങളില്‍നിന്നുള്ള സഹായം ലഭിക്കും. തൊഴിലിൽ ഉത്തരവാദിത്വം വര്‍ധിക്കും. പ്രണയസാഫല്യമുണ്ടാകും. കലാരംഗത്ത്‌ പ്രവര്‍ത്തിക്കുന്നവര്‍ക്ക്‌ പ്രശസ്‌തി. മത്സരപ്പരീക്ഷകള്‍, ഇന്റര്‍വ്യൂ എന്നിവയില്‍ വിജയിക്കുവാന്‍ സാധിക്കും.