ഡോ. സജി ഗോപിനാഥ് ഡിജിറ്റൽ സയൻസ് വാഴ്സിറ്റി പ്രഥമ വിസി

തിരുവനന്തപുരം∙ കേരള യൂണിവേഴ്സിറ്റി ഓഫ് ഡിജിറ്റൽ സയൻസ്, ഇന്നവേഷൻ, ആൻഡ് ടെക്നോളജിയുടെ പ്രഥമ വൈസ് ചാൻസലറായി ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ് – കേരള (ഐഐഐടിഎംകെ) ഡയറക്ടർ ഡോ. സജി ഗോപിനാഥിനെ ചാൻസലർ കൂടിയായ ഗവർണർ നിയമിച്ചു. 4 വർഷമാണു നിയമന കാലാവധി. ഓഗസ്റ്റ് അവസാനം പള്ളിപ്പുറത്തെ ടെക്നോ സിറ്റി ക്യാംപസിൽ സർവകലാശാല പ്രവർത്തിച്ചു തുടങ്ങുമ്പോൾ ചുമതലയേൽക്കും. 

കോഴിക്കോട് ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റിലെ പ്രഫസറായ ഡോ. സജി ഗോപിനാഥ് ‍ഡപ്യുട്ടേഷനിൽ ഐഐഐടിഎംകെ ഡയറക്ടറും സ്റ്റാർട്ടപ് മിഷന്റെ സിഇഒയും ആയി സേവനം അനുഷ്ഠിക്കുകയായിരുന്നു. നോയിഡ ബെനറ്റ് യൂണിവേഴ്സിറ്റിയിൽ ഡീൻ ആയിരുന്നു. തിരുവനന്തപുരം സ്വദേശിയാണ്. സ്റ്റാർട്ടപ് മിഷൻ സിഇഒ സ്ഥാനം വൈകാതെ ഒഴിയും.

English Summary :  Dr Saji Gopinath become 1st VC of digital science varsity