Activate your premium subscription today
മമൗദ്സൗ∙ ഇന്ത്യൻ മഹാസമുദ്രത്തിൽ ഫ്രാൻസിന്റെ അധീനതയിലുള്ള മയോട്ട് ദ്വീപ സമൂഹത്തിൽ സർവനാശം വിതച്ച് ചിഡോ ചുഴലിക്കാറ്റ്. 90 വർഷത്തിനിടെയുണ്ടായ ഏറ്റവും ശക്തമായ ചുഴലിക്കാറ്റിൽ ആയിരത്തിലേറെപ്പേർ മരിച്ചെന്നാണ് വിവരം. ഞായറാഴ്ച രാത്രിയാണ് ചിഡോ ചുഴലിക്കാറ്റ് മയോട്ടിൽ കരതൊട്ടത്. മണിക്കൂറിൽ 200 കിലോമീറ്ററിലേറെ ശക്തിയിൽ ആഞ്ഞടിച്ച കാറ്റിൽ ആശുപത്രികൾ ഉൾപ്പെടെയുള്ള കെട്ടിടങ്ങൾ നിലംപൊത്തി
ജറുസലം ∙ വടക്കൻ ഗാസയിലെ 3 നഗരങ്ങൾക്കുപിന്നാലെ, ഗാസ സിറ്റിയിലെ കിഴക്കൻ പട്ടണമായ ഷെജയ്യയിൽനിന്നും ജനങ്ങളോട് ഒഴിഞ്ഞുപോകാൻ ഇസ്രയേൽ സൈന്യം മുന്നറിയിപ്പു നൽകി. ഇസ്രയേൽ സൈനികത്താവളത്തിനുനേർക്ക് ഇവിടെനിന്നു ശനിയാഴ്ച റോക്കറ്റ് ആക്രമണം ഉണ്ടായതിനെത്തുടർന്നാണിത്. കഴുതപ്പുറത്തും റിക്ഷകളിലും വീട്ടുസാധനങ്ങളുമായി പലസ്തീൻകാർ പലായനം ആരംഭിച്ചതിന്റെ വിഡിയോ സമൂഹമാധ്യമങ്ങളിൽ പ്രത്യക്ഷപ്പെട്ടു. അതിനിടെ, മധ്യഗാസയിലെ അൽ മഗസി, അൽ ബുറേജ് ക്യാംപുകളിൽ ഇസ്രയേൽ നടത്തിയ ബോംബാക്രമണങ്ങളിൽ 10 പലസ്തീൻകാർ കൊല്ലപ്പെട്ടു.
ജറുസലം ∙ ഗാസ സിറ്റിയിലെ ഷെയ്ഖ് റദ്‌വാൻ മേഖലയിലും വടക്കൻ ഗാസയിലെ ബെയ്ത്ത് ലാഹിയ പട്ടണത്തിലും ഇസ്രയേൽ നടത്തിയ ബോംബാക്രമണങ്ങളിൽ 88 പലസ്തീൻകാർ കൊല്ലപ്പെട്ടു. 13 മാസം പിന്നിട്ട ഇസ്രയേലിന്റെ ഗാസ ആക്രമണത്തിൽ ഇതുവരെ കൊല്ലപ്പെട്ട പലസ്തീൻകാരുടെ എണ്ണം 44,056 ആയി.
ഗാസ ∙ ഇസ്രയേൽ ആക്രമണങ്ങളിൽ വിവിധയിടങ്ങളിലായി ഒറ്റ ദിവസം 76 പലസ്തീൻകാർ കൊല്ലപ്പെട്ടതായി ആരോഗ്യമന്ത്രാലയം അറിയിച്ചു. വടക്കൻ ഗാസയിൽ കമാൽ അദ്വാൻ ആശുപത്രിക്കു സമീപം വീടിനു നേരെ നടത്തിയ ആക്രമണത്തിൽ 17 പേരും ഖാൻ യൂനിസിലെ അഭയാർഥി ടെന്റിനുനേരെയുണ്ടായ ആക്രമണത്തിൽ 2 കുഞ്ഞുങ്ങളടക്കം 8 പേരും കൊല്ലപ്പെട്ടു. ഇതുവരെ 43,922 പലസ്തീൻകാരാണ് ഈ യുദ്ധത്തിൽ കൊല്ലപ്പെട്ടത്.
ജറുസലം ∙ വടക്കൻ ഗാസയിലെ ബെയ്ത് ലഹിയയിലെ പാർപ്പിട സമുച്ചയത്തിൽ ഇസ്രയേൽ നടത്തിയ ആക്രമണത്തിൽ 72 പേർ കൊല്ലപ്പെട്ടതായി ഗാസ ആരോഗ്യ മന്ത്രാലയം അറിയിച്ചു. ആരോഗ്യപ്രവർത്തകരുടെയും മറ്റും 6 കുടുംബങ്ങളാണ് ഇവിടെ താമസിച്ചിരുന്നത്. ബെയ്ത് ലഹിയ, ബെയ്ത് ഹനൂൻ, ജബാലിയ എന്നിവിടങ്ങളിലെ അഭയാർഥി ക്യാംപുകളിൽ ഇസ്രയേൽ തുടർച്ചയായി ടാങ്ക് ആക്രമണം നടത്തി. ബെയ്ത് ലഹിയയിൽ ഇസ്രയേലിന്റെ ഒരു ടാങ്ക് തകർത്തതായി ഹമാസിന്റെ കൂട്ടാളികളായ ഇസ്‍ലാമിക് ജിഹാദ് പ്രസ്താവനയിൽ അറിയിച്ചു. ഇസ്രയേൽ ആക്രമണത്തിൽ ബുറേജ് അഭയാർഥി ക്യാംപിൽ പത്തും നുസേറിയത്തിൽ നാലും പേർ കൊല്ലപ്പെട്ടു. ഇതോടെ ഇപ്പോഴത്തെ സൈനിക നടപടിയിൽ ഗാസയിൽ കൊല്ലപ്പെട്ട പലസ്തീൻകാരുടെ എണ്ണം 43,846 ആയി.
ജറുസലം ∙ പതിനായിരങ്ങൾ പലായനം തുടരുന്നതിനിടെ, ഇന്നലെയും ലബനൻ തലസ്ഥാനമായ ബെയ്റൂട്ടിലെ ജനവാസമേഖലകളിൽ ഇസ്രയേൽ കനത്ത ബോംബാക്രമണം നടത്തി. കൊല്ലപ്പെട്ട ഹിസ്ബുല്ല മേധാവി ഹസൻ നസ്റുല്ലയുടെ പിൻഗാമിയാകുമെന്ന കരുതപ്പെടുന്ന ഹാഷിം സഫീയുദ്ദീനെയും വധിച്ചെന്ന് അഭ്യൂഹമുണ്ട്. വ്യാഴാഴ്ചത്തെ ബെയ്റൂട്ട് ആക്രമണത്തിൽ ഹിസ്ബുല്ലയുടെ വാർത്താവിനിമയ ശൃംഖലയുടെ മേധാവി മുഹമ്മദ് റഷീദ് സഫാഖി കൊല്ലപ്പെട്ടു.
കഠ്മണ്ഡു ∙ നേപ്പാളിൽ 4 പതിറ്റാണ്ടിനിടെ ഉണ്ടായ ഏറ്റവും വലിയ പ്രളയത്തിന് 3 ദിനം പിന്നിട്ടിട്ടും ശമനമില്ല. മരിച്ചവരുടെ എണ്ണം 204 ആയി. 33 പേരെ കാണാതായി. 89 പേർക്കു പരുക്കേറ്റിട്ടുണ്ട്. രക്ഷാപ്രവർത്തനം തുടരുന്നു. നൂറുകണക്കിനു വീടുകളും പാലങ്ങളും തകർന്നു. റോഡുകളും റെയിൽപാതകളും തകർന്നതിനാൽ പലയിടത്തും ഗതാഗതം പുനഃസ്ഥാപിക്കാനായിട്ടില്ല. രാജ്യത്തെ പ്രധാന നദിയായ ഭാഗ്‍മതി ഉൾപ്പെടെയുള്ളവയിലെ ജലനിരപ്പ് അപകടരേഖയ്ക്കു മുകളിൽ തുടരുന്നു.
ജറുസലം ∙ ഹിസ്ബുല്ല മേധാവി ഹസൻ നസ്റല്ലയെ ലക്ഷ്യമിട്ടു തെക്കൻ ബെയ്റൂട്ടിലെ ദഹിയയിൽ ഇസ്രയേലിന്റെ കനത്ത മിസൈൽ ആക്രമണം. വൻസ്ഫോടനങ്ങളോടെ 4 കെട്ടിടസമുച്ചയങ്ങൾ തകർന്നടിഞ്ഞു. ഹിസ്ബുല്ലയുടെ സെൻട്രൽ കമാൻഡ് ആസ്ഥാനം ലക്ഷ്യമിട്ടായിരുന്നു ആക്രമണമെന്ന് ഇസ്രയേൽ സൈന്യം വ്യക്തമാക്കി. നസ്റല്ല സുരക്ഷിതനാണെന്നാണു റിപ്പോർട്ട്.
കയ്റോ ∙ വടക്കൻ ഗാസയിലെ ഗാസ സിറ്റിയിൽ അഭയാർഥികൾ കഴിഞ്ഞിരുന്ന 2 സ്കൂളുകൾക്കു നേരെ ഇസ്രയേൽ നടത്തിയ ആക്രമണത്തിൽ 30 പേർ കൊല്ലപ്പെട്ടു. അൽ നാസർ, ഹസൻ സലാമ സ്കൂളുകളിലാണ് ആക്രമണമുണ്ടായത്. മരിച്ചവരിൽ 80% പേരും കുട്ടികളാണ്. അൽ നാസർ സ്കൂളിന്റെ അവശിഷ്ടങ്ങൾക്കിടയിൽ 16 പേർ കുടുങ്ങിക്കിടക്കുന്നതായാണു വിവരം.
ജറുസലം ∙ ഇസ്രയേൽ–ഹിസ്ബുല്ല സംഘർഷത്തിനിടെ ലബനനിൽനിന്നു തൊടുത്ത റോക്കറ്റ് ഇസ്രയേൽ അധീനതയിലുള്ള ഗോലാൻകുന്നിൽ ഫുട്ബോൾ മൈതാനത്തു വീണു കുട്ടികൾ ഉൾപ്പെടെ 11 പേർ മരിച്ചു. മരിച്ചവരെല്ലാം 10നും 20 ഇടയിൽ പ്രായമുള്ളവരാണ്. സ്ഫോടനത്തെത്തുടർന്നു വൻതീപിടിത്തവുമുണ്ടായി. ഗോലാൻ കുന്നിലെ മജ്‌ദൽ ഷംസിലെ ദ്രൂസ് ഗ്രാമത്തിലാണു സംഭവം. ലബനനിൽ ഇസ്രയേൽ നടത്തിയ മിസൈൽ ആക്രമണത്തിൽ 3 ഹിസ്ബുല്ല അംഗങ്ങൾ കൊല്ലപ്പെട്ടതിനു തിരിച്ചടിയായാണു റോക്കറ്റാക്രമണം. ആക്രമണത്തിനു പിന്നിൽ ഹിസ്ബുല്ലയാണെന്ന് ഇസ്രയേൽ ആരോപിച്ചു.
Results 1-10 of 44
