ഒക്ടോബറിലെ സമ്പൂർണ നക്ഷത്രഫലം; അനിഴം, തൃക്കേട്ട, മൂലം, പൂരാടം

അനിഴം: അഹോരാത്രം പ്രവർത്തിക്കുന്നതു വഴി ഏറ്റെടുത്ത കാര്യങ്ങൾ ലക്ഷ്യപ്രാപ്തിയിലെത്തിക്കാൻ സാധിക്കും. വ്യാപാരവിപണനവിതരണ മേഖലകളിൽ ക്രമാനുഗതമായ പുരോഗതി കൈവരിക്കും. ഭക്തിശ്രദ്ധാപുരസ്സരം ചെയ്യുന്ന കാര്യങ്ങളിൽ അനുകൂലമായ വിജയം കൈവരിക്കുവാനും അനിഴം നക്ഷത്രക്കാർക്ക് ഈ ഒക്ടോബർ മാസത്തിൽ യോഗം കാണുന്നു.

തൃക്കേട്ട: വിവിധങ്ങളും വ്യത്യസ്തങ്ങളുമായ കർമമണ്ഡലങ്ങളിൽ സജീവമായി പ്രവർത്തിക്കാനുള്ള അവസരം വന്നു ചേരും. കുടുംബത്തിൽ സമാധാന അന്തരീക്ഷം സംജാതമാകും. വിശേഷപ്പെട്ട ദേവാലയ ദർശനത്തിനുള്ള അവസരം വന്നു ചേരുവാനും തൃക്കേട്ട നക്ഷത്രക്കാർക്ക് ഈ ഒക്ടോബർ മാസത്തിൽ യോഗം കാണുന്നു.

മൂലം:ഔദ്യോഗിക മേഖലകളിൽ അനുകൂല സ്ഥലംമാറ്റയോഗം കാണുന്നു. പഠിച്ചവിഷയത്തോടനുബന്ധമായ മേഖലകളിൽ സജീവമായി പ്രവർത്തിക്കാനുള്ള അവസരം വന്നു ചേരും. കർമമണ്ഡലങ്ങളിൽ നിന്ന് സാമ്പത്തിക പുരോഗതി കൈവരിക്കുവാനും മൂലം നക്ഷത്രക്കാർക്ക് ഈ ഒക്ടോബർ മാസത്തിൽ യോഗം കാണുന്നു.

പൂരാടം:വിവിധങ്ങളും വ്യത്യസ്തങ്ങളുമായ കർമമണ്ഡലങ്ങളിൽ പ്രവർത്തിക്കുവാനുള്ള അവസരം വന്നു ചേരും. വിദേശത്തു നിന്നു വന്നവർക്ക് പുനർനിയമനം ലഭിക്കുന്നതു വഴി തിരികെ ജോലിയിൽ പ്രവേശിക്കുവാനുള്ള യോഗം കാണുന്നു. ഗുരുകാരണവന്മാരുടെ അനുഗ്രഹത്തോടു കൂടി ചെയ്യുന്ന കാര്യങ്ങളിലെല്ലാം അനുകൂലമായ വിജയം കൈവരിക്കുവാനും പൂരാടം നക്ഷത്രക്കാർക്ക് ഈ ഒക്ടോബർ മാസത്തിൽ യോഗം കാണുന്നു.