മണ്ണിടിച്ചിൽ : രണ്ടു കുടുംബങ്ങൾ ബന്ധുവീടുകളിലേക്ക് മാറി

കിള്ളിമംഗലം ∙ കനത്ത മഴയെത്തുടർന്നുണ്ടായ മണ്ണിടിച്ചിലിനെത്തുടർന്ന്  ഉദുവടിയിൽ  കുളത്തിങ്കൽ  പീടികയിൽ സുബൈർ, പുളിക്കത്തൊടി അബ്ദുൽ റഹ്മാൻ  എന്നിവരുടെ  കുടുംബങ്ങൾ ബന്ധുവീടുകളിലേക്ക് മാറി . കഴിഞ്ഞ ദിവസം രാത്രിയിലാണ്  മണ്ണിടിച്ചിൽ ഉണ്ടായത്.  അനധികൃത കുന്നിടിക്കലാണ് പ്രദേശത്ത് മണ്ണിടിച്ചിലിന് കാരണമെന്നും  പ്രദേശവാസികളുടെ പരാതിയിൽ  അന്വേഷണം നടത്തണമെന്നും പാഞ്ഞാൾ ഗ്രാമപഞ്ചായത്ത് വൈസ് പ്രസിഡന്റ്  പി. കൃഷ്ണൻകുട്ടി ആവശ്യപ്പെട്ടു. സംഭവവുമായി ബന്ധപ്പെട്ട്  തഹസിൽദാർ ജിയോളജി വകുപ്പ്, ജില്ലാ കലക്ടർ എന്നിവർക്ക് റിപ്പോർട്ട് നൽകിയിട്ടുണ്ടെന്ന് പഞ്ചായത്ത് അധികൃതർ അറിയിച്ചു.