നടി വരദയുടെ യാത്ര ഇനി സെൽറ്റോസിന്റെ ആഡംബരത്തിൽ

കിയയുടെ മിഡ് സൈസ് എസ്‍യുവി സെൽറ്റോസ് സ്വന്തമാക്കി മിനി സ്ക്രീൻ നടി വരദ. കിയയുടെ വിതരണക്കാരായ ഇൻജിയോൺ കിയയിൽ നിന്നാണ് പുതിയ വാഹനം താരം സ്വന്തമാക്കിയത്. കിയ സെൽറ്റോസിന്റെ ആദ്യ തലമുറയാണ് വരദയുടെ പുതിയ വാഹനം. പെട്രോൾ, ഡീസൽ മോഡലുകളുള്ള വാഹനത്തിന്റെ ഏതു പതിപ്പാണ് വരദ സ്വന്തമാക്കിയത് എന്ന് വ്യക്തമല്ല.

കഴിഞ്ഞ ദിവസമാണ് കിയ പുതിയ സെൽറ്റോസിനെ വിപണിയിലെത്തിക്കുന്നത്. 10.89 ലക്ഷം രൂപ മുതൽ 19.99 ലക്ഷം രൂപ വരെയാണ് പുതിയ സെൽറ്റോസിന്റെ വില. പെട്രോൾ, ഡീസൽ, ടർബോ പെട്രോൾ എൻജിനുകളിൽ ഓട്ടമാറ്റിക് മാനുവൽ വകഭേദങ്ങളിൽ വാഹനം ലഭിക്കും.

1.5 ലീറ്റർ പെട്രോൾ പതിപ്പിന് 10.89 ലക്ഷം രൂപ മുതൽ 16.59 ലക്ഷം രൂപ വരെയും 1.5 ലീറ്റർ ടർബോ പെട്രോൾ പതിപ്പിന് 14.99 ലക്ഷം രൂപ മുതൽ 19.99 ലക്ഷം രൂപ വരെയും 1.5 ലീറ്റർ ഡീസൽ പതിപ്പിന് 11.99 ലക്ഷം രൂപ മുതൽ 19.99 ലക്ഷം രൂപ വരെയുമാണ് വില.

English Summary: Actress Varada Bought Kia Seltos