ഇന്ത്യൻ താരങ്ങളുമായി സംവദിച്ച് വിദ്യാർഥികൾ

കുവൈത്ത് സിറ്റി ∙ ഇന്ത്യൻ വോളിബോൾ ടീമിലെ താരങ്ങളുമായി സംവദിച്ച് ഇന്ത്യൻ കമ്യൂണിറ്റി സ്കൂളിലെ വോളിബോൾ ടീം. ഇന്ത്യൻ വോളിബോൾ ടീം നായകനും കൊച്ചി ബ്ലൂസ്പൈകേഴ്സ് ടീം അംഗവുമായ മോഹൻ ഉഗ്രപാണ്ഡ്യൻ, ഇന്ത്യൻ താരവും ചൈന്നൈ സ്പാർടാൻസ് കളിക്കാരനുമായ നവീൻ രാജ ജേക്കബ്, ഇന്ത്യൻ താരവും ഹൈദരബാദ് ബ്ലാക് ഹാക്സ് ടീം അംഗവുമായ അശ്വൽ റായി എന്നിവരാണ് കുട്ടികളുമായി സംവദിച്ചത്.

സ്കൂൾ സ്പോർട്ട്സ് കോ-ഓർഡിനേറ്റർ ഷേർളി ഡെന്നിസ്, ഫിസിക്കൽ എജ്യുക്കേഷൻ വിഭാം മേധാവി ഡോ.നിൻസ് പീറ്റർ,രാജം എന്നിവർ പ്രസംഗിച്ചു. സ്കൂൾ വോളിബോൾ ടീം അംഗങ്ങൾക്ക് ഇന്ത്യൻ താരങ്ങൾ പരിശീലനവും നൽകി.