അടൂർ പ്രകാശ് എംപിയുടെ വികസന രേഖ: ‘5 പ്രകാശ വർഷങ്ങൾ’ പുറത്തിറക്കി

ദുബായ് ∙ ആറ്റിങ്ങൽ മണ്ഡലത്തിൽ കഴിഞ്ഞ 5 വർഷം അടൂർ പ്രകാശ് എംപി നടത്തിയ വികസന പ്രവർത്തനങ്ങൾ വിശദീകരിക്കുന്ന വികസന രേഖ ‘5 പ്രകാശ വർഷങ്ങൾ’ ആറ്റിങ്ങൽ കെയറിന്റെ നേതൃത്വത്തിൽ പുറത്തിറക്കി. വടകര മണ്ഡലം യുഡിഎഫ് സ്ഥാനാർഥി ഷാഫി പറമ്പിൽ ആദ്യ കോപ്പി ആറ്റിങ്ങൽ കെയർ ചെയർമാൻ ഷാജി ഷംസുദീന് നൽകി പ്രകാശനം ചെയ്തു. പ്രസിഡന്റ്‌ ബിനു പിള്ള, അഡ്വൈസറി ബോർഡ്‌ അംഗങ്ങളായ അൻസാർ കിളിമാനൂർ, നൗഷാദ് അഴൂർ എന്നിവർ പങ്കെടുത്തു. ‌ആറ്റിങ്ങൽ കെയർ പുറത്തിറക്കിയ വികസന രേഖ 5 പ്രകാശ വർഷങ്ങൾ ഷാഫി പറമ്പിൽ പ്രകാശനം ചെയ്യുന്നു.