ഉത്തര ഉണ്ണിയുടെ ഹൽദിയില്‍ തിളങ്ങി ദിലീപും കാവ്യയും; വിഡിയോ

നടി ഊർമിള ഉണ്ണിയുടെ മകളും അഭിനേത്രിയുമായ ഉത്തര ഉണ്ണിയുടെ വിവാഹ സൽക്കാരത്തിന് അതിഥികളായി നടൻ ദിലീപും ഭാര്യ കാവ്യാ മാധവനും. ഒരേനിറത്തിലെ വസ്ത്രമണിഞ്ഞാണ് ഇവർ ചടങ്ങിൽ തിളങ്ങിയത്.

ബംഗളുരുവിൽ ബിസിനസുകാരനായ നിതേഷ് നായരാണ് ഉത്തരയുടെ വരൻ. 2020 ഏപ്രിലിൽ നടത്താൻ നിശ്ചയിച്ചിരുന്ന വിവാഹം കോവിഡ് സാഹചര്യം കണക്കിലെടുത്തു മാറ്റിവയ്ക്കുകയായിരുന്നു. ഒരു വർഷത്തിനു ശേഷമാണ് വിവാഹം നടത്തിയത്. 

വിവാഹത്തിനും മറ്റു ചടങ്ങുകളിലും കുടുംബസമേതമാണ് ബിജു മേനോൻ എത്തിയത്. സംയുക്ത വര്‍മയുടെ അടുത്ത ബന്ധു കൂടിയാണ് ഊർമിള ഉണ്ണി.

ലെനിന്‍ രാജേന്ദ്രന്‍ സംവിധാനം ചെയ്ത ഇടവപ്പാതി എന്ന ചിത്രത്തിലൂടെയാണ് ഉത്തര സിനിമയില്‍ അരങ്ങേറ്റം കുറിച്ചത്. മികച്ച നർത്തകി കൂടിയാണ് ഉത്തര. നയന്‍ത് മന്ത്, പോ പ്രിന്റ്സ്, രണ്ടാം വരവ് തുടങ്ങിയ ഹ്രസ്വചിത്രങ്ങളും സംവിധാനം ചെയ്തിട്ടുണ്ട്.