കുടുംബത്തോടൊപ്പം തിരുപ്പതിയിലെത്തി സുരേഷ് ഗോപി; വിഡിയോ

തിരുമല തിരുപ്പതി ക്ഷേത്രത്തിൽ ദർശനം നടത്തി കേന്ദ്രമന്ത്രിയും നടനുമായ സുരേഷ്​ ​ഗോപി. കുടുംബത്തോടൊപ്പമാണ് സുരേഷ് ​ഗോപി ക്ഷേത്രത്തിലെത്തിയത്. ഭാര്യ രാധിക, മക്കളായ ​ഗോകുൽ സുരേഷ്, ഭാവ്നി സുരേഷ്, ഭാ​ഗ്യ സുരേഷ്, മരുമകൻ ശ്രേയസ് എന്നിവരോടൊപ്പമായിരുന്നു ക്ഷേത്ര ദർശനം. 

വിനായക ചതുർത്ഥി ആഘോഷങ്ങളുടെ ഭാ​ഗമായാണ് കേന്ദ്രമന്ത്രിയും കുടുംബവും ക്ഷേത്രത്തിലെത്തിയത്. ക്ഷേത്രത്തിൽ നടന്ന പ്രത്യേക പൂജകളിലും അവർ പങ്കെടുത്തു.

ക്ഷേത്രപുരോഹിതനിൽ നിന്ന് പ്രസാദം സ്വീകരിച്ച ശേഷമാണ് സുരേഷ്​ ​ഗോപിയും കുടുംബവും മടങ്ങിയത്. 

അതേസമയം ഒരിടവേളയ്ക്കു ശേഷം സിനിമയിലേയ്ക്കു തിരിച്ചുവരുകയാണ് താരം. ഒറ്റക്കൊമ്പൻ എന്ന ചിത്രത്തിലാകും സുരേഷ് ഗോപി ഇനി അഭിനയിക്കുക. സിനിമയുടെ ചിത്രീകരണം ഉടൻ തുടങ്ങും.