വയലൻസുമായി നാനി; ‘ഹിറ്റ്’ 3 ടീസർ എത്തി

തെലുങ്ക് ത്രില്ലർ ചിത്രമായ ‘ഹിറ്റ്’ സിനിമയുടെ മൂന്നാം ഭാഗം ടീസർ എത്തി. ഇത്തവണ നാനിയാണ് ഈ ഫ്രാഞ്ചൈസിയിൽ നായകനായെത്തുന്നത്. ശൈലേഷ് കോലാനു സംവിധാനം ചെയ്യുന്ന ഈ ചിത്രം നിർമിക്കുന്നത് വാൾ പോസ്റ്റർ സിനിമയുടെ ബാനറിൽ പ്രശാന്തി തിപിർനേനിക്കൊപ്പം യുനാനിമസ് പ്രൊഡക്ഷൻസും ചേർന്നാണ്.

അർജുൻ സർകാർ എന്ന പൊലീസ് ഓഫിസറായി നാനി എത്തുന്നു. മറ്റ് രണ്ട് സിനിമകളേക്കാൾ വയലൻസിന് പ്രാധാന്യം നൽകിയാണ് മൂന്നാം ഭാഗമെത്തുന്നതെന്ന സൂചന ടീസർ നൽകുന്നുണ്ട്. ശ്രീനിഥി ഷെട്ടിയാണ് നായിക.

ഛായാഗ്രഹണം സാനു ജോൺ വർഗീസ്, സംഗീതം മിക്കി ജെ മേയർ, എഡിറ്റർ കാർത്തിക ശ്രീനിവാസ് ആർ.