ഫോണിൽ ടിവി: എതിർപ്പുമായി മൊബൈൽ കമ്പനികൾ

ന്യൂഡൽഹി ∙ സ്മാർട്ഫോണിൽ ഇന്റർനെറ്റ്, സെല്ലുലർ സിഗ്നൽ ഇല്ലാതെ ടിവി ചാനലുകൾ പ്രക്ഷേപണം ചെയ്യാനുള്ള ഇന്ത്യയുടെ പദ്ധതിക്കെതിരെ (ഡയറക്ട് ടു മൊബൈൽ–ഡി2എം) എതിർപ്പുമായി സാംസങ്, ക്വാൽകോം, എറിക്സൻ, നോക്കിയ അടക്കമുള്ള കമ്പനികൾ. 

ഫോണിൽ ഇതിനുള്ള സാങ്കേതികവിദ്യ ഉൾപ്പെടുത്തുന്നതു വഴി ഫോണുകൾക്ക് ഏകദേശം 30 ഡോളറിന്റെ (ഏകദേശം 2,500 രൂപ) വർധനയുണ്ടാകുമെന്നാണ് അറിയിച്ചിരിക്കുന്നത്. പദ്ധതിയുമായി മുന്നോട്ടുപോകരുതെന്നാണു കമ്പനികളുടെ അഭ്യർഥന.  ഐഐടി കാൻപുർ, പ്രസാർ ഭാരതി എന്നിവയുടെ സഹകരണത്തോടെയാണ് പദ്ധതിയുടെ പ്രാഥമിക നടപടികൾ കേന്ദ്രം ആരംഭിച്ചത്.