ദക്ഷിണമുംബൈയിൽ ഒരേക്കർ 170 കോടിക്ക് വാങ്ങി അദാനി

മുംബൈ∙ ദക്ഷിണ മുംബൈയിലെ മലബാർ ഹില്ലിൽ ഏകദേശം ഒരു ഏക്കറിലേറെ വരുന്ന ഭൂമി 170 കോടി രൂപയ്ക്ക് അദാനി ഗ്രൂപ്പിന്റെ സഹസ്ഥാപനം മാഹ്–ഹിൽ പ്രോപ്പർട്ടീസ് പ്രൈവറ്റ് ലിമിറ്റഡ് (എംപിപിഎൽ) സ്വന്തമാക്കി.10.5 കോടി രൂപയാണ് സ്റ്റാംപ് ഡ്യൂട്ടിയായി നൽകിയത്. റസി‍ഡൻഷ്യൽ കെട്ടിടങ്ങൾ നിർമിക്കാനായി ഈ സ്ഥലം ഉപയോഗപ്പെടുത്തുമെന്നാണ് കരുതുന്നത്.

ഇരുപതാം നൂറ്റാണ്ടിന്റെ തുടക്കം മുതൽ പാഴ്സി കുടുംബം കൈവശം വച്ചുപോന്ന ഭൂമിയാണിതെന്നാണു വിവരം. രാജ്യത്തു തന്നെ ഏറ്റവും വിലകൂടിയ സ്ഥലങ്ങളിൽ ഒന്നായാണ് മലബാർ ഹിൽ മേഖല കണക്കാക്കപ്പെടുന്നത്.