കലാപത്തിന് കൊടി സുനിക്ക് ‘കൊടുംശിക്ഷ’, മനംപോലെ ജയിൽമാറ്റം; അതിസുരക്ഷാ ജയിലിൽനിന്നു തവനൂരിലേക്ക്
Mail This Article
×
തൃശൂർ ∙ വിയ്യൂർ അതിസുരക്ഷാ ജയിലിൽ ജീവനക്കാരെ ആക്രമിച്ചു കീഴ്പ്പെടുത്തി കലാപമുണ്ടാക്കിയ സംഭവത്തിൽ ടി.പി.ചന്ദ്രശേഖരൻ വധക്കേസ് കുറ്റവാളി കൊടി സുനിക്കു ജയിൽ വകുപ്പു വിധിച്ചതു ‘കൊടുംശിക്ഷ’ ! സംസ്ഥാനത്ത് ഏറ്റവും സുരക്ഷാ സന്നാഹങ്ങളുള്ള അതിസുരക്ഷാ ജയിലിൽ നിന്നു തവനൂർ സെൻട്രൽ ജയിലിലേക്കു സുനിയെ മാറ്റി.
തന്നെ ജയിൽ മാറ്റണമെന്ന ആവശ്യം 3 വർഷമായി സുനി നിരന്തരം ഉന്നയിച്ചിരുന്നെങ്കിലും കോടതി അനുവദിക്കാതിരുന്നതു മൂലം നടപ്പായിരുന്നില്ല. വിയ്യൂരിലെ കലാപത്തിനു പിന്നാലെ തവനൂരിലേക്കു മാറ്റിയതോടെ സുനിയുടെ ആവശ്യം നടപ്പായി. ഇതോടെ കണ്ണൂർ സെൻട്രൽ ജയിലിലേക്കു സുനിയെ മാറ്റാനുള്ള നീക്കവും സജീവമായി.
അതിസുരക്ഷാ ജയിലിലെ ഭക്ഷണത്തിന്റെ അളവു കുറഞ്ഞെന്ന കാരണമുന്നയിച്ചാണു സുനിയടക്കം 2 ക്വട്ടേഷൻ തലവന്മാരുടെ നേതൃത്വത്തിൽ അതിസുരക്ഷാ ജയിലിനുള്ളിൽ കഴിഞ്ഞ ദിവസം കലാപമുണ്ടാക്കിയത്.
English Summary:
Kodi Suni moved to thavanur central jail
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.